برنامج R-Studio لإستعادة الملفات المحذوفة + شرح

 

برنامج R-Studio لإستعادة الملفات المحذوفة + شرح

بالبدايه كان عندي قسمين بالهاردسك C و D .. الـ D حجمه تقريبا 110 قيقا .. رحت قصيت جزء منه حوالي 20 قيقا عن طريق أداره الأقراص .. وسويت بارتشن جديد G وسويت له تهيئه سريعه ( فورمات ).

طبعا كثير من المستخدمين عندهم ثقافات مختلفه بالنسبه للحذف .. بعضهم يحذف عادي عن طريق الزر Delete وبعدين يفرغ سله المحذوفات .. وبعضهم يضغط Shift+Delete بزعمه ان هذا حذف نهائي بما انه ما يمر على سله المحذوفات وبعضهم يستخدم برامج خاصه للحذف واللي تسمى غالبا Shredder .

من ناحيتي سويت 3 مجلدات هنا زي ما راح تشوفون .. وحذفت كل واحد منهم بطريقه مختلفه وجربت أسوي له استرجاع بعد كذا .

كل مجلد حطيت فيه أنواع مختلفه من الملفات والصيغ ( ملفين فيديو AVI و WMV وملف تنفيذي EXE وملفين وورد وبوربوينت وملف كتاب ألكتروني و3 صور مختلفه وملف مضغوط ) عشان أشوف لو فيه فروق بينهم من ناحيه الاسترجاع ..الملفات هذي موجوده بكل مجلد من هالـ3 .

*بديت بأول مجلد وحذفته حذف عادي Delete وبعدين سويت أفراغ لسله المحذوفات .. وفتحت البرنامج الأول R-Studio .. بالبدايه طلع لي اقسام الهاردسك عندي وأخترت المطلوب G المطلوب وضغطت عليه مرتين وطلع لي المجلدات الموجوده فيه .. بهالصورة انا حددت المجلد اللي حذفت منه الملفات + سله المحذوفات .

تضغط على المجلد اللي تبغاه وراح تلقاه على طول يسوي لك استعراض للملفات اللي فيه او كانت موجوده فيه على اليمين .. او تضغط عليه زر يمين وبعدين Find وتخليه يبحث وإذا خلص تروح للشاشه اللي يمين وتلقى ملفاتك عندك

بعد كذا حدد الملفات اللي تبي تسترجعها واضغط زر يمين بعدين Recover Marked أو Recover لو تبيه يسترجع كل شئ .

الحين راح تفتح لك نافذه تحدد فيها مكان حفظ الملفات بعد الاسترجاع " الحفظ يكون ببارتشن غير اللي استرجعتها منه "

باقي الخيارات يفضل وضعها زي الصورة .. لأني جربت استعيد المجلد كامل بكنه طلع لي فاضي يوم جربت استعدت كل الملفات بالتحديد زي الصورة اللي فوق ونفس الخيارات هذي رجعها لي تمام.

* ممكن يطلع لك تحذير يقول لك انه بعض الملفات مخفيه ويسألك اذا تبغى تشيل الأخفاء .. تختار اللي تبي وتكمل شغلك .

نروح للمجلد اللي سوينا فيه الحفظ .. ونشوف وش طلع لنا .

نلاحظ أن كل الملفات رجعت و بنفس الحجم وهذا دليل كبير أن الملف سليم وغير معطوب .. لكن فيه أختلاف بأسماء الملفات لأنها مسترجعه من سله المحذوفات .

* نفس الحركه سويتها بالمجلد الثاني واللي حذفته بطريقه الـ Shift +Delete وهذا اللي طلع لنا .

نشوف كل الملفات رجعت وباسمائها بدون اي نقص وكلها أشتغلت معي بدون أي مشكله

* المجلد الثالث حذفته عن طريق برنامج الحذف الملحق ببرنامج الصيانه الشهير TuneUp واللي اعتبره من أفضل البرامج الخدميه للنظام ... تحدد الملفات كلها وتضغط زر يمين بالماوس بعدين TuneUp Shredder .

عمليه الـ Shredder هذا زياده على حذف الملف فهو يكتب عليه بملفات فاضيه مره ومرتين و10 مرات اذا تبي .
وفيه طرق حذف ثانيه أقوى بالبرنامج ( تحصلونها قدام Deletion Method )لكن وقت الحذف فيها يكون طويل عشان كذا ما استخدمتها .

طبعا لما سويت استرجاع عن طريق R-Studio هذا اللي لقينا .

ملفات معوقه لا أسم ولا صيغه ولا حجم يعني أنسى تدري وش السالفه او وش فيها

الخلاصه :

* يا ليت الناس تنتهي من سالفه الحذف العادي او حتى Shift +Del ويعرفون أنه ماله سنع .. واللي يبي يحذف الملفات بأمان يستخدم أحد برامج الحذف المذكوره بالموضوع او بعض الطرق المذكوره بموضوع ملك هنا .

* البرنامج أعجبني بسرعته في أكتشاف الملفات والاسترجاع لأنه يحدد المجلد اللي بتشتغل عليه .. بخلاف البرنامج الثاني اللي يبحث بالبارتشن كله .. أيضا فيه خاصيه تحديد تاريخ معين للملفات المحذوفه وحجمها .. كل هذي نلقاها تحت خيار Find أو Find Mask عند أي مجلد .

* البرنامج فيه أمكانيه البحث عبر الشبكه Network Recovery ويدعم أغلب صيغ الملفات وأنظمه الملفات NTFS ,FAT32 وغيرها .. وبرضه يدعم الاسترجاع من الأقراص غير المقسمه والملفات المضغوطه والمشفره والمخفيه زي ما شفنا .

* يعيب البرنامج تقريبا بعض التعقيد بالواجهه واللي خلتني أحوس بالبدايه .. يعني بأول مرتين حصلته استرجع لي مجلدات فاضيه لين عدلت بالخيارات زي الصور وحددت الملفات بشكل منفصل ومشت معي الأمور .

لتحميل البرنامج أنسخ الرابط وضعه في المتصفح

http://www.mediafire.com/?d2jxvzmmdy4

المصدر: منتدى الخليج