عشر همسات ما أحلاها

قـائـمـة الأوسـمـة · #1

احبك لو يموت الحب وتصير القلوب قبور

احبك كلمة لو حرموها حل تفكيري ! ..

احبك من هنا حتى طلوع الفجر حد النور..

صحيح انك قدر محتوم بس اجمل مقاديري ! ..

احد ربي يحطك له حبيب ومايجيه غرور ؟! ..

وانا مهما منحتك من غلاي اشعر بتقصيري ! ..

ولوطالت مشاوير الطريق المظلم المهجور

انا لامن ذكرتك قلت احبك يامشاويري ! ....

من شفتك عرفت ان الظلام ..

خيمة سهيل وديار الجدي ! ..

ليلة البرد ما ادفاني الثمام ..

وصلك أنت الدفا ياسيدي ! ..

ان ضحك لي هدبك المستهام ..

طاب لي كل قاع جرهدي ! ..

القصايد عن وصوفك صيام ..

عذرها إنك جمال سرمدي !! ..

وصفك ارض بها خيل الكلام ..

ملت الركض وأتعبها العدي ! ....

إذا الجرح أنخلق لإنسان أنا إنسان أنخلق لجراح

وإذا الأحزان لأبن أدم ، أنا ابن ادم لأحزاني ! ..

عزيز القوم ذل بلعبة الغفران والتفاح،

ولاني سائل رب العباد يجيك ما جاني ! ..

ولاني طالب إلا إني إلامني بكيت ارتاح،

ولاني طالب إلا ان انت ما تشمت بوجداني ! ..

لقيتك تلتفت لي في الدموع وغامرتك أفراح،

ومت من القهر حتى بهذي وتحداني ! ..

لليل أحبك.. مابقى في السما نور ..

والى ضواني الليل.. للصبح أحبك ! ..

واللحظة اللي كلها صد وغرور ..

اشوف قبري بين عينك وقلبك ! ..

في صدري اسراجٍ حزين ومكسور ..

رغم المطر والريح.. شلته فـ دربك ! ..

والله مابه غير لوعاتي قصور ..

وخوفي عليك الله ربي ..وربك ! ..

إلى متى ببني على صمتك جسور ..

لاحيرتني اسباب سلمك وحربك ! ..

العمر احبك.. مابقي فينى شعور ..

ومتى جفاني العمر.. وشلون أحبك ؟! ....

قضى دمعي من عيوني أبي من عينك أبكي لك

أبنثر من ورى عيوني دموع عيون ترحالك ! ..

تعبت أهرب من الأشيا البسيطه من تفاصيلك ..

تعبت أسأل زوايا البيت عن أول وآخر أحوالك ! ..

هنا ترمي صباح الخير قبل لاتروح وأدعي لك ..

وهنا تضوي مساء الخير في عيني من هلالك ! ..

حرام الليل ماهو ليل إذا ماكنت في ليلك ..

وحرام الصبح ماهو صبح إذا ماكنت بظلالك ! ..

هزي الهندول يمه امتلت روحي رماد ! ..

ولحفيني سالفه من دون أرض ولا شجن ! ..

ماعشقت من القصور الا (. ارم ذات العماد .) ..

وما نويت اللي نويت من العمار الا عدن ! ..

صدقيني ما سهرت اكتب حكاية شهرزاد ..

لا ولا هذا الصبا ولا الصبا هذا لمن ! ..

انتي قلتي ما يموت اللي على ارض الجهاد ..

و ياما قلتي لا تنام الا تحت راسك كفن ! ..

جيتك ارهقني الدرب الطويل القصير..

جيتك بكل مافي سيرتي من عيوب ! ..

انتي البرد .. ثم البرد .. ثم السعير ..

وانتي الفجر ثم الفجر ثم الغروب ! ..

انتي البحر .. والشاطي ملاذ الفقير ..

وانتي الصدق في ثغر الزمان الكذوب ! ....

حبيبي عادت أسراب الحمام وعادوا الغياب ..

وأنا من كثر ماشفت الوجيه أشتقت لأحبابي ! ..

حبيبي من كثر ما أشتقت لك صرت أكره الأبواب ..

ليا شفت الوصل وأهل الوصل ماعتبوا بابي ! ..

أحسب السالفه نظرة واحسب أن الغرام إعجاب ..

ألين ان صرت بغيابه اضيق بداخل ثيابي ! ....

لو مرني بالدرب مقدر احاكيه ..

.. مصيبه ياكبرها من مصيبه ! ..

اللي يبينا عيت النفس تبغيه ..

.. واللي نبي عيا البخت لايجيبه !! ..

..

لا تنتظر مني حكي

إلمس على صدري و .. تشوف ..

كم .. خفقة أتعبها الوقوف ! ..

وكم عبرة جتلك ../ تشتكي

إلمس على صدري شوي

ترى الشعور اللي قتلني

بـ غيبتك طول .. شووووي

شف كيف عيني تنكسر ! ..

والخاطر اللي منكسر ..

قلبي واحساسي وأنا ! ..

شف كيف جرحنا الظما ! ..

ياصاحبي قلبك عمى ؟؟ ..

وإلا إنت ماودك تشوف !!! ..

....

المصدر: منتدى الخليج