أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
|
الإهداءات |
|
|
|
|||||||
 |
| #1 | ||||||||||||
  
|
 <-- وشو جماله وذا عنوانتس ؟!  هذا موضوعن يهبببببل ياخذ العقل >>>> الله يسترقريته باحد المنتديات وانهبلت عليه قلت حلفن باالله يابنت علي الطلاق  اني لااخلي بنيات هاالمنتدى ينهبلن معي >>>> احلفي  Lipsticks & ....... Glosses.................... بِما إنّ الحريم معروفات بكثرة الحتسي والبربره .. وبِما إنّ مصدر هالحتسي هو الخشّه طبعاً .. لذلك وجب الإهتمام بهذه الخشّه وزبرقتها لأنّها محطّ الأنظار ..و ع هالأساس اخترت موضوعي لليوم لأهميّته الشديده ووشسمه .. شفتوا إنّي حكيمه وما اختار اي شيّ <-- هالحين ذي مقدّمه ؟ الله يكفلتس مير   تنويه صُغننّ قبل لا ننْطلق  /الموضوع مليان صور تقل كتالوج , لذلك تصبّري نفراتو المصدر: منتدى الخليج
|
|||||||||||
| #2 | ||||||||||||
|
|
الأساس بِما إنّ كل شي له أساس <-- وش جايه ذي على بما إنّ ؟ , المهم انه مايصلح تملطين الروج كذا على شفايف رايحه في أمّها ومتقطعه حتت من التعضيض والبهذله اللي تجيه من الحاله النفسيه , والله منب ارحم احد قدّ الشفايف والاصابع يحول انتي اللي يضيق صدرتس وهم اللي ياكلونه وتجي الحرّه فيهم الزبده إذا ضاق صدرتس لا تعضضين شفايفتس لو سمحتي يعني + شوفي هالمُنتجات اللي اعتقد الكلّ يستخدمها ومعروفه قداً  زي منتي شايفه / - ال ( Labello ) .. أشهر مُرطِّبات الشفايف وأبطلها على الإطلاق .. من يوم خبرت عمري وانا اشوفه واستخدمه عند الصيدليات إذاراحوا أهلتس يجيبون حليب للبزارينكم وصيهم وأبد خابرته خمس ريال - مُرطّبات الشفايف من بودي شوب .. نَكهات مُختلفه وشين يوسع الصدر ودتس تلحسينه من زين ريحته خصوصا الفراوله - البطل الخارق .. سوبر مان الكريمات واللوشنات .. حبيب العجز والشغّالات .. قاهرهم .. (الفازلين ) ابد أسهل شي متى ماحسيتي بجفاف في شفايفتس اقرب فازلين وغرقيها .. برضو حلو قبل لا تنامين - سمعت برضو عن الفقس .. قالوا لي ادهني شفايفك فيه ونامي وتصحين تلاقينها ملساء <-- اما ملسا ههههه .. و ورديه ومدري وش .. جربته والله وصار زي ماقالوا ..بس أول مره ارتعت صراحه قمت ولقيت شفايفي تروّع تسنها براطم شسمه  بعدين ثاني وثالث مره لا بالعكس .. مير اني سحبت عليه ما عمري استمريت ع شي الحمد لله طيب ياحلوه هذي مُنتجات الترطيب وخلصنا منها ( على انّهم واجد والله اللي مُنتجات ترطيبهم منهم وفيهم ابد والله متى ماحسّت ان شفايفها يابسه شسمه وخلصنا <- الله يقرفتس بلا ) ,نجي الحين لتقشير الشفايف وعَمل المساجات لها  ( ايه وش فيتس تناظرينها كذا باحتقار ؟ لها مساج يافرقى وتقشير وكلش حالها حال غيرها ) ..ال مفروض ياحلوه من وقت ل وقت تسوين تقشير لشفايفتس باستخدام فرشة أسنان + فازلين أو / زيت زيتون وتحركينه ع شفايفتس بلُطف ورقّه لين تزيلين القشور والخرابيط .. وهالطريقة معروفه اعتقد بس من يستمر ويسويها بشكل دوري برضو المساج باستخدام الفازلين ابوه للجنّه تدهنين شفايفك فيه وتدكينها باصبعك مثلاً لتجديد الدوره الدمويه وإكساب الشفايف لونها الطبيعي ادري ان فيه أشياء وخرابيط واجد للشفايف ومدري وش .. لكن اللي ذكرتهم مُجرّبات وناتشورال . نطّب في العميق دحين أولاً /  راح اتكلّم عن ( الروج  ) <-- هههههه على اني منب مره على الأيقونات ذي بس جازت لي هذي والنظره أليمه بعد ) , الروج ..ذلك الشي البطل الأكّه .. اللي كان زمان هو راس مال الميك اب .. ابد عندتس روج ؟ إذن عندتس ميك اب إن بغيتيه شادو صار لتس شادو .. إن بغيتيه بلشر برضو صار .. بتاع كلّو وما زال مُحافظ على دوره الفعّال .. أنتي جربّي تمكيجي وحطي كلش باستثناء الروج .. وشوفي وش بيصير شكلتس !! <-- هذي والله البلشه ! درينا يختي انه مهم .. نبدأ في المُحددّات ( وناسه صفّة الصوره صحّ ؟ ) /هالشي واجد يتجاهلونه وما يهتمون فيه .. اللي هو المُحددّ .. وطبعاً يمّي أنا ما أتكلّم عن مُحددّات قبل ذيك اللي تجيتس أورانج ولا خربزي والروج بني مثلاً ! .. لا تجيبين لتس مُحددّ أغمق من لون الروج اللي بتستخدمينه بدرجة وحده بسّ المُحدد يرتبّ شكل الشفايف ويساوي الروج ويضبّط الموضوع يعني ..لكن بدونه الدعوه سايحه ع بعض .. بعد صبرااا نفراتو <-- عطوه جوّه تكفون
|
|||||||||||
| #3 | ||||||||||||
|
|
الوَردِي طُهر و ملائِكيّه <-- لا اليوم ذي ميب عاقله ابببد   وااااو ادوخ انا عند الوردي تسيف اني احوووووبه وخ بص>>> اهجدي الوردي اللون العملي  والمُناسب مع كلّش ( طبعاً الوردي يشمل البينك بتدرجاته ومنها الفوشيا .. فاضين للفوشيا حنّا نحط له تقسيمه لحاله ؟! ) حلو صَباح .. مَسا .. طلعات خفافيه .. جاكم احد بالبيت وهه يعني ..مُناسب لأيّ فئِه عُمريه .. بنوتات صغار .. مُراهقات .. صبايا .. حريم صدقيات بس موب عجز عاد حلو مع فساتين ناعمه .. سبورات اي شي خشش ب الوَردِي  تلاحظون كيف رايق بتدرجاته كلها .. من الفوشيا إلى اللون الشسمه ( شبه لحمي الظاهر مابي احط في ذمتي ) وزي ماقلنا تراعين تناسقه مع اللبس + المناكير
|
|||||||||||
| #4 | ||||||||||||
|
|
البيج ( قضى حتسيي ذاك طُهر وما طُهر وفتنه .. معليش يالذهبي من سبق لبق ) <-- ؟؟! اتعب انا طبعاً تدرجات الذهبي والبيج والنحاسي وذا مايختلف اثنين على روعتها وتزداد روعة ورونق ( قهر ليتني حاطّه رونق فوق ) ايه تزداد روعه وشسمه على السُمر وذوات الألوان النُحاسيه  مير تراني ناسيه في الالوان اللي فوق اقول انّه لازم تراعين لون البشره يا تسبدي انتي يعني عندتس الفوشي الصارخ مثلاً مب لايق ابد ع السمرا <-- طيب ياللي منب قايله ورا ماترقين تعدلينه ؟هالتدرجات حلوه للشتاء و مدري والله عاد متى ماشفتيه مناسبه وكذا حطيه أنتي أبخص باللي يناسبتس ولا ؟ <-- واضح ان جاه النوم خششٌ ب الذَهبي  رقه  برضو انتبهي في اللون الذهبي لا يصير فاقع مره وتصيرين يمّه بس
|
|||||||||||
| #5 | ||||||||||||
|
|
Best Lipsticks نَبدأ ب ملك الأرواج وقائِده .. MAC ثمّ MAC ثمّ MAC <-- لا ينط بتس عرق بس ! عن نفسي اعتبره مرتبه أولى .. ألوان برّاقه <-- لا عاد منتب جايبته لبر اليوم هههههههههه .. ايه ألوان براقه وثبات وكلش خصوصاً تدرجات الأحمر والفوشيا و بعده الماركات التاليه / وللأمانه يعني /فورايفر ممتاز برضو بس ماذكر باالصوره .. والا هو بطل وماعليه لا يزعل علينا بس <-- ؟؟!إنجلوت / ماركة عندها الليب ستيك + المناكير شي موب صاحي .. إذا فيتس خير بس خل يطري ع بالتس درجة لون وما تلاقينها عنده .. اسميه ( ابو الدرجات  ).. أخطاء فادِحه ..  كثير منّا تصير معه هالحركه وهي ولا جابت خبر .. ما تدري الا يقولون هيه يافلانه إمسّحي الروج اللي ع سنونتس  >>>> وسبديه ماحب اطيح بهاالشيلِتفادي هذا الشيّ /أولاً .. لا تكثرين روج لو سمحتي .. يعني مب مية الف طبقه ثانياً .. إذا تروّجتي .. جيبي منديل واطبعي بوسه خفيفه عليه عشان يخف الروج ماتشوفين بعض المرايات باالاستراحات تقل نوتة مراهقه بالمتوسطه وانتي تضحكين على غباء هالحريم صح خخوهن اذهن منتس يمطخن موب لله. >>> اسكتي اولاهثالثاً .. صرّي شفايفك ع شكل دويره ثمّ جيبي اصبعتس ولبسيه منديل مدري وشلون اشرح بس وامسحي به ع الروج . ياشينه هالحركه مره >>>> بعضهن بتحط بصمه على فنجاله عشان تفرقه بين الفناجيل >>>قطع  ياليت تنتبهين يابعدي وانتي بمسيار او عزيمه .. مهب تقحنين القهوه ولا الشاهي وذا الخشّه مغير تطبّع من ذا الروج وتمدينه للي تصب لتس وانتي ولا طقيتي خبر - ذوقياً مب حلوه ابد -احرصي كل مره تشربين فيها تمسحين بالمنديل مكان الروج وبرضو بالنسبه للملاعق وتسذا حاولي وانتي حاطّه روج ما تدخلينه كله بخشتس ..الله يذكر ايام اول بالخير اذكرني وأنا صغنونه إذا حطّتلي امي روج خلاص وخري عنّ اصنننننّم ماااتحرك ولا حركه لين يروح عني ولا يبقى له أثر تسني حاطه حنا ( ادري خطمه بس طرت ع بالي عاد ) .. - ايه بعد يقول لتس إذا كانت شفايفتس مب متناسقه .. يمديتس تحطين ع الجهه اللي تبين تبرزينها أكثر لون فاتح - ايه بعد يقول لتس إذا كانت شفايفتس مب متناسقه .. يمديتس تحطين ع الجهه اللي تبين تبرزينها أكثر لون فاتح ..
|
|||||||||||
| #6 | ||||||||||||
|
|
قضيت قضيت بس فيه حاجه قبل اختم   هالشي الخطير الفتّاك تلاقينه عند ابو خمسه وابو ريالين .. انسي يروح من شفايفتس تعرفين وشلون انسي ؟<---أنتي وراتس تحوسين الشي باخرهبالايام يجلس >---إيه تذكرت سالفه (ياكثرتس)هذا واحد الله يسلمكم من أقاربي رايحن لمكه عاد تعرفون مكه الله يشرفه لازم مايرجع الواحد منه إلا وهو محمل عفش >--- وإلا كنه ماراح مكه المووووهيم دق على خواته قال وش تبون اجيب لكم هدايا>--السالفه ذي قبل سنتين اول ماإرجعوا الناس للروج السحري دخل اخونا في الله مادري هي شركة مكه والا اللي جنبه يعني حولهن دخل على محل مكياجي >---مالقى غيره ياحبيله مهوب هين اكشششخ قال لو سمحت عطني الروج السحري وغلفه هديه >--بآيعه البايع سعودي بعد طآرت بوهته وحط الله انه يعرف الروج هذا قال وهو يبتسم وش شكله واخونا في الله ذاك منصح يوصف على قول خواته قال لونه اخضر وإذا حطيته صار احمر ضحك البايع وقال انزل تحت لمحلات ابو ريالين تلقاه ذاك فشل وده لو اخته قدامه تسان صكه باربع كفوف >-- خربت ونعيماً وبكذا أكون خلصت وبضفّ بسطتي أتمنى إني ماكنت كثيره <-- تتمنين ؟ وبس^_^
|
|||||||||||
| #7 | ||||||||||
  
|
يسلموا ع الطرح يعطيك الف عافيه تحياتي
|
|||||||||
|
|
|
العرض العادي
