مطازيز بالذرة حلى الليبتون سلطة الجبن و مجموعة أطباق

قـائـمـة الأوسـمـة · #1

مطازيز بالذرة حلى الليبتون سلطة الجبن و مجموعة أطباق

- السلام ُ عليكمْ ورحمةُ الله وبركاتهْ

المنيو

الأكلات الرئيسية :

- مطازيز بالذُّرة

- أيضًا المردودْ بالذرة شبيه بالمطازيز

- رزْ بالبرجر مع " صلصة الصويا "

-

الحلويَّات :

- حلى الليبتونْ "

-كب كيك " كم صنف وشكل "

-حلا الكاسات بشكل ثاني تشيزْ كيكْ " وَ الكريمةْ

-

السَّلطات :

- سلطة الجبن بشكل جديدْ

- سلطة الخُّضارْ بالأصل هي أكله يعني نقول أكله تغميس

- سلطة السيزر بالدجاج ,

وطبق خفيف فوق البيعة :

- مشوي البطاطس .

-

1 - مطازيز بالذرَّة

كم مرة يطلبون ويستغربون كيف ذرة بالمطازيز لكن له طعم جدْ

المقادير معروفه يعني :

تكونين عاجنه ومسويه المطازيز

بهارات + ملح + فلفل أسود + كشنه " بصل وطماطم " أعواد فلفل

قرع وكوسه مقطعات الكوسه نصف إذا كبيره أو يكفي تخرمينه من جوى إذى صغيرة

والقرع مربعات متوسطه . باذنجان كان تبين مقطعه بالنصف مع القمع ,

كان تحبين شوي بطاطس ,

وذرة

تكون مقطعة كل ذرة أربع ثلاث قطع على حسبْ

وفاصوليا

-

الطريقه :

نحمس البصل وإذا عندكم كشنه مجمدة تكفي :

إذا حمسناه وأضفنا البهارات نضيف اللحم مع الذرة لأن الذرة تبي طبخْ

بعده نخليه شوي ساعة لساعة وربع ننتبه مايحترق ونضيف شوي موية ,’

بعده نضيف الماء الكافيه يكون مغلي مع الخضار ,’ ونخليه شوي

ونبدأ نحط المطازيز وكيف نعرف يكفي بملعقة الخشب بالوسط تركزينه إذا كان ثابت

فيبي شوية مويه ويختلف على حسب الطحين البعض يشرب ماء والبعض لا لذا ننتبه

وبعده نقصر عليه مو مره لا شوي ونخليه يطبخ على الأقل ساعة إلا ربع كذا صح لو الطماط

مو أحمر مره نضيف صلصه لكن أنتبهي لاتضيفين الصلصه مع اللحم أو طماط تقطعينه

لأن الطماط يخلي اللحم " ماينضج يكون يتعلوكْ " مابوه طعمْ

فنضيف الصلصه أفضل حاجه

بعد مانحط المطازيز أو قبل يعني طابخين اللحمْ ,

-

صحَّة وعافية .,

-

2- المردودْ

نفس مقادير المطازيزْ

من بهارات خضار كشنه والذرةْ :

بس وش اللي يفرق نكون بدال مانحط مطازيز يكون قرصانْ

ونربص شوي ماش

يكون مربص من زمان شوي .,

الطريقه :

زي كذا حمسنا اللحم وبعده الذرة ثم حطينا الموية وبعدة الخضرة ثم أضفنا شوي صلصة

وبدينا نقطع قرصان ونحط نقطع ونحط مو قطع صغار ,

بعدين نشوف المقدار الكافي زي ماشرحنا بالمطازيز بعده نخليه يطبخ ,’ مايبي وقت

لأن القرصان موش زي المطازيزْ

" صحَّة وعافية"

-

المصدر: منتدى الخليج

قـائـمـة الأوسـمـة · #2

3- رز بالبرجر مع " صلصة الصويا ",.

المقادير :
رز منقع له عشر دقائق تقريبًا - بهارات - جزر مقطع طوال - برجر مقلي ومقطع طوال
بقدونس مقطع صغير - طماطم يكفي حبتين مقطعة صغير - فلفل أخضر وأحمر مقطع طوال
ذرة شوي مفتت وكان بازاليا ,.إذا تبين كم قطعة دجاج , " باذنجان + كوسه + بطاطس"
مقطعه دوائر إذا تبين مقلي أو مشوي ,., صلصة صويا معتدله

نسلق الدجاج مع الجلد والبهارات
ساعة إلا ربع اللي يحبه أقسى شوي براحتكم تكفي نص ساعه
ناخذ مويته علشان نسلق الرز فيه ونحط الزيت " زيتون " وزيادة شوي ملح وكمون شوي
وفلفل حار كذا على عداله وشوي دارسين ومسمار على عدلهن يعني

والمويه علشان يطلع الرز مهنا أزين منه يكون أكثر بنص عود الملعقه إذا شرب المويه
نشوف يبي زيادة أو لا لأنه يفرق إذا مربص عن لا ,’

بعد مايطبخ الرز قبل مانطفي عنه نضيف فوق الجزر والفلفل والبقدونس والطماطم
علشان يطبخن بالبخار شوي بعده نحركهن مع صلصة الصويا

ونضيف البرجر والدجاج كم قطعه إذا تبين وإلا مايحتاج مع الخضار ’,

وبكذا يكونْ

-

صحةْ وعافيةْ

-

الحلويَّات :

1- حلى اللبتون

شكله مره رايقْ

المقادير مع الطريقه :
اصبع زبدة + نص كوب سكر الأفضل ناعم موش بودرة + بيضتين قطرات من الخل
كوب ونص طحين + نص كوب نشا ,+ ملعقه صغيرة BB

نضع الزبده ثم البيض وقطرات الخل نخفقه جيدًا ثم نضيف السكر والطحين والنشا والـBB
ونعجنه تكون عجينه لينه ,’

-

يكون معنا ليبتون للشكل ومزاز واللي تفرد وأيضًا سكين .,

بعد مانفرد ونشكل الشل نخرمه بالمزاز ونصفهن بالصينيه ,’ ودخلناه للفرن مايبي كثير بس تشقير
ننتبه لانه أول مانطلعه راح يكون شبه لين نجمعن بصحن ونخليهن يبردنْ من شان ماتتفتت ,’
-
بعد كذا نذوب شوكلاته خام بحمام مائي أفضل وحذاري يدخله ولو قطرة ماء لأن بكذا
راح يتلبك معاك الشوكلاته ونبدأ نزين البسكويت بالشوكلاته من أسفل بشكل نصف مربع من أمام
ثم ندخله للفريزر شوي ونلون الجهه الثانيه ’,

بعده نطلعه ونربط أوراق الليبتون ونكيسه أو انتِ وطريقة تقديمك

-

صحة وعافيةْ

قـائـمـة الأوسـمـة · #3

2- كب كيك محشي التويكسْ الأفضل تكون مني كب كيك الشكلْ غير "
وكم شكلْ

المقادير |
1 ونص كوب طحينْ + 1 وربع كوب سكر بودر + ثلاث أرباع كوب زيتْ + ثلاث كوب حليب
سائل + 2 بيض + ثلاث ملعقة كبيرة شوكلاته بودر " لوتبينه بالشوكلاته " = 1 ملعقه كبيره BB
شوي خل عوضًا عن الفانيلا لأني لاحظت أن مفعول قطرات الخل تروح ريحة البيض أكثر من الفانيلا
وحبات مني تويكس أو أنتِ قطعي لك عل حسب .,

الطريقه :

في وعاء نضع البيض ثم قطرات الخل ونبدأ في الخفق ونضيف له المواد السائله ,.
ثم نضيف الشوكلاته والمواد الجافه ونستمر لمده نخفق ثم نكون مقطعين التويكس وبكل
ورق بلاسيه نضيف التويكس ثم الخليط

بعدها ندخله في الفرن مايبي وقت وننتبه له

بعد مانطلعه من الفرن نخليه يبرد شوي ونغطيه , بس موش مره ,’

بعدها نجهز الخلطه اللي فوق الكريمة |

عباره عن ظرفين ونصف دريم ويب وكأس من كريمة الخفق نستمر نخفق لين يتجانس
ويكون لنا خليط كريمي ذا سمكٍ جيد أنا أضفت قطرات بسيطة من اللون الأصفر علشان يكون كراميل

ونزينه بالكب كيك "

زي كذا زينه بمالتيزر أو تبين قطع سنيكرس تويكس
أي شيء
-

-

-
بعد التغليف :

-

لو تحبين شيء خفيف هيرشي بس خفيف جدًا
-
وأشكال ثاني منه |

-

نفسه بس غيرنا الورق ولونا الكريمه "-

-

هنا نفسه كل شيء بس أضفنا للكريمة شوي أوريو مطحون وزيناه بالأوريو ,’

صحه وعافية

-

نفس العجينه بس التزيين بعجينه السكر
" أصبع زبده + 400 غرام سكر مطحون + قطرات من حليب مبستر سائل باردْ "
نخفقه زين وبعده نضيف له أي لون ونزينه بأي شيء .,

صحه وعافية ,

-