ذنبك على جنبك

 

ذنبك على جنبك

بلاش تعيد وتزيد السوالـف وانـت مـا يمديـك
طريقك صعب واحلامك بعيده والغـرور اعمـاك

تعاتب وانت ما تدري خفوقي وش كثـر معطيـك
على كثر لعطـا حديـت قلبـي للفـراق وجـاك

اجي لك من هنا وتصد عنـي واعـذرك واجيـك
واجي لك من اهناك ونفس ماجيتك هنـا وهنـاك

صحيح اني سمعت بطاري الموت ولمحتـه فيـك
ولكن قلت ابسـري واغنـي لـك علـى ليـلاك

وجيك حب عن كـل القلـوب العاشقـه يغنيـك
اصيح القلب مـا يغلـى عليـك وماتبـي يفـداك

عقب ما انهد حيلك والهوى جابك علـى مغليـك
بدا المشوار واللي باقي من عمـري بـدا ويـاك

لقيتك ضامي احساس وقصايد قلت اجي واسقيـك
ابكسب فيك اجـر و الا القصايـد فيـك وبليـاك

تصور من كثر ما اردد اسمك لا طرى طاريـك
اصوت لك على الطاري بلا وعـي وبـلا ادراك

مشينـا بالغـلا لا خـوف ياخذنـا ولا تشكيـك
وفجاة من ردى عقلك طغيـت وغرتـك دنيـاك

قسى قلبك وبعـد مـا تـدري ويـن الله موديـك
تبعتك لا خر الدرب الطويل و ماقصرت خطـاك

احاول فيك اهـدي فيـك وادري مـا لله ابهديـك
مع اني صرت احاول لين ماجبت اولك واتلايـك

نصحتك واكتشفت ان الوفا بالـذات مـا يعنيـك
اجل ذنبك على جنبك علـى مـا تفعلـه يمنـاك

اعرف انك بديت الحرب من نفسك واعترف انهيك
واعرف سلاحك الفتنـه اليـا وصلـت اقصـاك

تلمح بالجفا مـدري وش اللـي بالجفـا يغريـك
عسى الله مـا يحـدك للجفـا يمـي ولا يبـلاك

تولـم للفـراق ولا تفكـر تـرجـع لماضـيـك
وحرام اني ماجعلتك تصفق اليمنى علـى يسـراك

انا ما قول كلمه وارجع اسحبها عشـان ارضيـك
مدام رضاك في كسرة كلامي لا بـلاش رضـاك

ترى ماني صبي اهلك عشان اخضع وابوس ايديك
عسى تنهيني الدنيا لو اخضع واضعـف لشـرواك ..

المصدر: منتدى الخليج

 تسلم على الابيات ..

ربي يعطيك ألف عافيه

 الله يسلمك اختي عجيد لاهنتي ع الطلة

 

تلمح بالجفا مـدري وش اللـي بالجفـا يغريـك
عسى الله مـا يحـدك للجفـا يمـي ولا يبـلاك

تولـم للفـراق ولا تفكـر تـرجـع لماضـيـك
وحرام اني ماجعلتك تصفق اليمنى علـى يسـراك
كلمات رووووعه وقويه
تسلم يمينك على النقل الموفق
تسلمے أخويے علے القصيدة الرائعه
يعطيكے ألفے عافية
لكے منيے أرقے و أعذبے التحايآ

 عذب السجايا
تسلم يمناك على هذه القصيدة الجميلة

 يسلموووووووووو
اخويييييي ويعطيك العافيه

 

سلمت آيدكـ على القصديهـ الروووعهـ
يعطيكـ العافيه يالغالي ...