محتاج لك لو تسمح شوي لاهنت

قـائـمـة الأوسـمـة · #1

مـدخــل ,,~

من قيض دنياي جيـت ادور ظلالـك
وارتاح من عقب ماأشقتني مسافاتـي
هالك وضامي مشاعر والبدن هالـك
يايبس ريق الخفـوق وقـل حيلاتـي
واللي جعلني بلا تفكيـر أسعـى لـك
اني لأحسدك فـي صبـرك بغيباتـي

كل العيون تطيح من عيني الا انت
اليا ذكرتك هزني طاري الشوق

وين انت ياللي عالمشاعر تسلطنت
واشغلتني عن كل كائن ومخلوق

من قبل اعرفك ماعرف وين انا كنت
ولا كنت اعرف ان الهوى قمة العوق

محتاج لك لو تسمح شوي لاهنت
مليت المح لك من الضيق مخنوق

رابع سـنة مرت وللـحين مابنـت
لا ديمتك ديـمه ولا بروقـك بروق

ضاع العمر ياللي بروحي تمكنت
وانا اردد كل مطـرود ملحـوق

ان كان ردت للمراسـيل هونـت
لان المراسيل انتهت مالها سوق

وان كان ردت للامل خير عينت !!
ان اشهد اني جيت للقاع من فوق

البارحة لا زان حظي ولا زنت
كن الحزن طوق على ناظري طوق

وين انت ياللي في عذابي تفننت
بهديك بيت ماعلى غـيرك يـلوق

بهديك بيت كم سنة فيه هيجنت
بيت يساوي ألف معنى وطاروق

ليـت الخلايق تنقـلب كلـها انـت
واصير اشوفك كل ماشفت مخلوق

مـــخرج ,,~

نعـم أحبـك ولا علـي بإهمـالـك
وان كان حبك غلط ؟ ياحلو غلطاتـي
هـذا انـا ياحبيبـي بآترضّـا لـك
من يوم قفّيـت وانـا العلـه بذاتـي
قفيت بالحالك ؟ ابدن ماانت بالحالـك
خاوتك فرحـة خفوقـي وإبتساماتـي

المصدر: منتدى الخليج

#2

يسلمو بحرالرواسى
على وضعك هذه الكلمات الرائعة ويعطيك ألف عافية

قـائـمـة الأوسـمـة · #3

شكراً لطرحك الكلمات الحلوه
يعطيك ربي العافية

قـائـمـة الأوسـمـة · #4

نعـم أحبـك ولا علـي بإهمـالـك
وان كان حبك غلط ؟ ياحلو غلطاتـي
هـذا انـا ياحبيبـي بآترضّـا لـك
من يوم قفّيـت وانـا العلـه بذاتـي
قفيت بالحالك ؟ ابدن ماانت بالحالـك
خاوتك فرحـة خفوقـي وإبتساماتـي

يعطيك ربي العافية