قصه حقيقيه مستشفى عرقه المسكون بالجن بالصور ومقاطع

 

قصه حقيقيه مستشفى عرقه المسكون بالجن بالصور ومقاطع

	قصة شباب قاموا بزيارة لمستشفى عرقة المهجور من باب الأثارة و والفضول بعد ان سمعوا عن قصة الجن بداخل المستشفى !! اترككم مع احداث القصة على لسان احد الشباب ذكرها و تناقلتها بعض المواقع: يقول الشاب : سمعنا ان فيه مستشفى في عرقه مهجور ويقولون العيال انه مهجور من حرب الخليج جوه اخواننا الكويتيين وجلسو فيه وبعدها معد احد دخله ويقولون فيه جن انا بس سمعت جن قلت له جايينه جايينه مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم المهم على كلامنا تجمعنا العصريه ورحنا له المستشفى كبير وفيه سكن اكبر منه مافيه ومهجور من برى شكله احسن من مستشفى الشميسي المهم قعدنا نحوس عليه من برى طبعا بالسياره مالقينا مدخل له المهم قررنا ان احنا ننقز فوق السور طبعاً السور شوي عالي ومافيه صعوبه لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم المهم نقزنا وضبطنا امورنا جينا لـ باب مكسور نصه دخلنا معه والمكان من داخل مغبر عليه اكوام تراب المهم دخلنا والله بدا الظلام يجي طبعا مو الوقت لا المكان مظلم وموحش دخلنا وكل واحد فاتح جواله وينور به طريقه المهم قعدنا نحوس ونفرفر يمنتن ويسره طبعا هالحتسي كله بالدور الاول المهم دخلنا الكافيتيريا وكان فيه درايش ومنور المكان المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر المهم سمعنا صوت قوووي في الدور الثاني العيال خاافو وكل واحد صفقته ام الركب وماااتشوفون الا نعال تتطاير في السماء من النحشه المهم طلعنا واحنا نشاهق من الخوف ويوم طلعنا قابنا سيكورتي قال لنا : وش جابكم هنا بهالوقت .؟؟ قلنا لا والله بس واحد من العيال يقول ان هنا جن وحبينا نشوف قال اهاا روحو ولعد اشوفكم هنا مرتن ثانيه قلنا ايه طيب بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا قال وش جايبكم قدام هالمستشفى قلنا له الي قلناه للسيكورتي قلنا له بس السيكورتي واحنا داخلين ما قال لنا شي قال اي سيكورتي .؟ قلنا السيكورتي الي هنا قال والله مافيه سيكورتي هنا من 9 سنين احنا تغيرت وجيهنا اجل وشذا اللي كلمنا !! وركبنا السياره ومشينا قلت لهم داخل داخل الله لايعوق بشر بس مهوب معكم يا الزلايب <<< طالعن منها الاخو الا ان كان بتجون معي قالو تمام بس نبي نصير مجموعه مو تسذا ملحطين الجزء الثاني والعودة مرة أخرى إلى المستشفى المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم معنا كشافات عشان الليل .. المهم وصلنا للمستشفى الساعه 2 ونص الليل <<< يقالك بنخربها رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي ج< هذا الي هامكم يا مال الي منيب قايل ورحنا للباب نفسه لقينا الباب كله مكسور امس كان نصه لا الحين كله مكسور وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام المهم واحد من الي جبناهم قد مره داخل المستشفى وشوي يعرف الي فيه قلنا له وين ثلاجه الموتى بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه بـ وجهك <<< ومن قالك انهم بيدخلونه المهم ماعلينا رحنا لـ ثلاجه الموتى ووالله على ما اقوله شهيد فيه دريشه على الباب طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين وربي كثيرين انا وخويي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص بنروح وبنشوف وش شفتو راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احدقالو خلاص بنرقى للدور الي بعده قلنا لا محنب جايين بنجلس هنا قالو طيب بكيفكم قلنا هااااه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم <<< يقالك معصب <<< يا حبني لي اذا عصبت المهم رقينا للدور الي بعده ومالقينا فيه شي يجذب او يخوف ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي المهم وصلنا للدور السابع لقينا الباب حقه مقفول بس واضح ان لو تهف الباب طاح المهم وجينا بنوخره طاح وانكسر ووالله الدور منوور كللله شي غرررريب وفيه اثار رجول كأنها من شوي ماااره المهم رحنا ودخلنا غرفه العمليات وورب الي خلقكم اننا لقينا شاهي يطلع منه بخااار يعني توهم مسوينه احنا طارت عيوننا جلسنا ننادي يمكن يصير فيه احد ولاش قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك المهم هم رقو واحنا قاعدين ندور ما وعينا الا نسمع صراااخ اخويانا الثنين وركضنا للدرج بنشوف وش فيهم شطفونا داااعسييين نازلين لـ تحت والله وكلنا نلحقهم وواحد من العيال يقراء ايه الكرسي قعدنا نلحقهم طولنا واحنا نركض وراهم الييين طلعنا واحنا موب تعبانيين الا متقطعين من التعب المهم وقفناهم قلنا وش فيكم يا مال الوجع خرعتونا واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم المهم قال والله وبالله واقسم بالله اني صادق على كل كلمه اقولها قلنا عارفين بس قل قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها المهم يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم ووصلنا للدرج وقمنا نصارخ وعاد بعدها شفتونا المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا وثلاثه بعد قالو كذا وركبو السياره احنا رقينا للدور الثامن وتونا واصلين له الا والله العظيم تطلعنا ثلاثه قطاوه سوووود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت ونفرك ذيك الفركه الي مابعدها ولاعد عتبنا عليه مره ثانيه بس الشي الغريب ان فيه اجهزه جدييييييييييييييده مررره بكراتينها وبعد ماسويت بحث يقولون انه انه مبني من عام 1400 في عهد الملك خالد الله يرحمه وصدق خويي انهم جو فيه الكويتيين ومن بعدها انهجر المستشفى بس والله شي يقهر اجهزه من اعلى المستويات << متعوب عليها واشياء من جد سابقه عصرها وان شاء الله الصور تثبت كلامي والصور ان شاء الله بكره ووالله ياشباب ويا صبايا ان مازدت ولا نقصت ولا حرف ناقلها لكم نصاً والله على ما اقوله شهيد والي مو مصدق يروح يدخله ويشوف وهذه صور المستشفى من الداخل وهنا مقاطع للصور والاشياء اللي شافوها الشباب اثناء تجولهم بالمستشفى وهذا مقطع اخر رجآآآآء آصحاب القلوب الضعيفة عدم رؤية المقاطع

المصدر: منتدى الخليج

 

أستغفر الله العظيم
فعلا أهل العقول في راحه

 

قلنا له بس السيكورتي واحنا داخلين ما قال لنا شي قال اي سيكورتي .؟ قلنا السيكورتي الي هنا قال والله مافيه سيكورتي هنا من 9 سنين احنا تغيرت وجيهنا اجل وشذا اللي كلمنا !!

وجهي صار كذا :icon10: ههههههههههههههههههههههه
مستشفى عرقة معروف أصلاً . أبوي وعماني يقول من يوم كانو فيه الكويتين من قبل وراحو محد دخله
يعني شي طبيعي بيكون مسكون ..
والشي الجديد اليوم أشوف البلاك بيري فيه إجتماع شباب هناك ومعهم مصور من الإخبارية .. مدري وش بيسوون عاد :icon10:
يسلمو على طرح الصور والمقاطع
ويعطيك ألف عافية

 مااعتقد هالسوالف سلامات بس
ياحبهم لكثرت الهرج صج الكلام بلاش
الله المستعان
هموسه الف شكر ع المقاطع والخبر
ويعطيج الف عافية ع المجهود:30:

 

المشاركة الأصلية كتبت بواسطة بحرالرواسى مااعتقد هالسوالف سلامات بس

المشاركة الأصلية كتبت بواسطة بحرالرواسى ياحبهم لكثرت الهرج صج الكلام بلاش الله المستعان هموسه الف شكر ع المقاطع والخبر ويعطيج الف عافية ع المجهود:30:

بحوره ي قلبي
المستشفي مشهور من زماان بس مهجور حتى دخلي اليوتيوب راح تلقي له صور من 2009بس تعرف الشباب تو يصحون بدا ينشرونه
ع فكر من يوم الاربعاء لي فات هم شغلين عليه تصوير
وبعد اليوم من الصباح كان في تجمع كبيييير من الشباب الين الساعه 10م
والشرطه والهيئه ماجات الاالمغرب علشان مظهرات الشباب
وراح يطلع خلال الاسبوع هذا ع قناة الاخباريه

^
احم احم هذي كل المعلومات لي اعرفها :82::cool:

 يسلمو همسه غلا
على وضعك هذه التفاصيل والصور والمقاطع ويعطيك ألف عافية

 والله ياهووو حماااس
احب هالسوالف كثير
يسلموو همسة عالقصة والمقاطع
بانتظار جديدك