ابشرك طاح

 

ابشرك طاح

مدخل

:
:

ما مرتاح من ربعي ..
ولامرتاح !
نادوني ..
وركضت بـ ليل
إيد " الرسن " بيها ..
وإيدٍ بها " سلاح " ..
عثرَتْ مُهرتي ..!
و ..
" ربعي " قبل ماطيح
واحد قال للثاني :
" أبشرك " طاح
أبشرك " طاااح " ..!

لـ كاظم إسماعيل

وأنا مثلك مع ربعي يا [ كاظم ].. حيل مو مرتاح ..!
كأنهم بيد عطشانه .. وكأني بينهم [ واحه ] !

خذا بعض الأسى بعضي وبعضي وين منِّي راح ؟!!
وقلبي قاتله حزنه ( سَ قَ ط ) .....
مقتوله أفراحه !!

أجيهم .. نيِّتي بيضا ويجُوني في شكل أشباح !
لأجل راحتهم أتعذَّب ..
عذابي عندهم راحه !!

تصدِّق ..؟
حيل متضايق ( خساراتي ) لهم " أرباح " ..!
ضحكت
وكانت الضحكه من الصدمات و [ السَّاحه ] ..!!

إذا ربعك مثل : ( غابه ) .....؟!
أنا ربعي مثل : [ مسباح ] ..
وأنا شخصٍ .. عجز يجْمَع ( نَثِر ) حبَّات مسباحه !

وإذا صارعت من أجل القرايب / قوَّة التمساح .....؟!
أنا حتَّى البعيد اللِّي يجيني / مااات تمساحه !!

زرعت الطيب في قلب " الحجر " وإستغرَب الفَّلاح ..
قفل حظي مع ( الفرحه ) .. ألاقي ويييين مفتاحه ؟!

تعب : لا كنت في ظلم السجون وضايع المفتاح !
معاك الحق لكن [ العدل ] .. ما فاد مصباحه !

عتب : لا صار يتبشَّر صديقك .. والألم صدَّاح
وعدوِّك كان في لحظة سقُوطك , تنزف جراحه !!

بحر ..
يا موج ..
يا شط الصداقه .. كنت لك ملاَّح
سفينه كان لك قلبي .. ولكن غدرك إجتاحه !

حرام : إن كان لي واحد وأناديه بـ إسم يا صاااح
مدامه " صاحبي " بإيده سقاني .. السِم بـ قْداحه !

سمعت إصياح من عين المراجل ...؟!
إي / سمعت / إصياح ..
و [ طير المرجله ] في هالزمن متهلهل جناحه !!

( صديقي ) صار معناها بـ عيني .. واحدٍ " سفَّاح " ..
لأنهم أغلب أصحابي .. على الطعنات ذبَّاحه ..!

وفا شنهو الوفا ....؟!
[ شَمعٍ ] كثر ما يشعلونه ساح !!
ورمحٍ يصنعه وقتي ( وربعي ) حيل رمَّاحه !!

يجي واحد مُنى قلبه .. يشتت فيني [ الأفراح ] !!
وواحد ضاق لو يلمح عيوني .. تنام " مرتاحه " !!
و
واحد قال للثاني : من المُهرهـ

أبَشْرِك طاااااح

كأن بـ طيحتي يلقى السعاده ..
و طفرة أرباحه !!

بقلم
مهندس الكلمة

احمد الصانع
/
/
/

مخرج

الصاحب اللي مايجي من صحبته غير العذاب
نذر علي إن ماهجرني وإلا أنا اللـي بأهجـره
من يفتح لفرقـاي بـاب أفـك لـه عشريـن بـاب
وأذا خويـي مايقـدر خوتـي ماأقـدره
عقب أكتئاب البارحه ماعاد انا حمل إكتئاب
الطيب جرجرني وانـا مانـي بناقـص جرجـره

اتمنى الطرح ينال على رضاكم

ع ـــلاوي

المصدر: منتدى الخليج

 شكرآ ع الكلمات
ويعطيك الف عافية

 هلابك اختي بحر الرواسي
اشكر مرورك الكريم

لك مني كل الاحترام وتقدير

 شكرآ على الكلمات الجميله يعافيك ربي

 الله يعطيك العافيه على الكلمات
وبانتظار جديدك

 تسلم ع الكلمات الحلوه
يسعدك ربي

 يسلمو ع ـلاوي
على أختيارك هذه الكلمات الرائعة ويعطيك ألف عافية