منذ /02-15-2011, 01:58 AM
#1
|
|
مسسسائكم \ صصصبآحكم عـِـِــذب
القصائد للشّاعـِـِـر الفـِـذّ :رده السفياني !
إفلاس
هذا القلـم والـورق هـذا وهـذا نـزف الاحسـاس
وانا علـى شرفـة الليـل الحزيـن انطـرك تاتـي
الليـل كنـه سجيـن وكــن هالعينـيـن حــراس
والنجـم احسـه يقاسمـنـي جنـونـي وامنيـاتـي
في الجفن ناسٍ تجي وتروح .. شف عاد انت كم ناس!
لكـن ماغيـرك ابجفنـي ولاغيـرك فــي ذاتــي
تعال أحبك تكـون افـوسوسـات الصـدر وسـواس
وتسيح في البال .. واغوى بك وتغـوى بـك دواتـي
أحب أسولف عن الما والضمـا فـي غربـة الكـاس
وأحـب أغنـي بحـزن امـي وابـوي وذكريـاتـي
أحب أكـون القلـم والغيـم حبـري والمـدى يـاس
واكتب عليه انـي أول مـن عصـاه وجيـت عاتـي
تعبت أخيـط انكسـاري وابتسـم والعـرق دسًّـاس
واتعبني اكثـر جهاتـي حيـن تسقـط مـن جهاتـي
أحاول أحصد غيـاث الجـدب وازرع روح وانفـاس
في صوتي اللي ليـا هالحيـن ضايـع فـي شفاتـي
لا الصيف وفىّ ولا نوم الشتـا فـي طرفـي نعـاس
يعـنـي كتبـنـي ورتبـنـي ووحـدنـي شتـاتـي
هزيـت جـذع الثلاثيـن وتساقـط عمـري افـلاس
واللي بقي (لا إله الا انـت عفـوك) فـي صلاتـي
تعال .. هذي دموعـي تحتفـل وجروحـي اعـراس
وان مـات دمعـي وجرحـي فالبقيـه فـي حياتـي
تعال .. ابستحلفك واستخلفك فـي الصـدر نسنـاس
وإن كان ماجيت فـي صحـوي لقيتـك فـي سباتـي
تعال هاك القلم ..هاك الورق .. هات انت الاحسـاس
وارسم يدينـي ورعشتهـا علـى مقبـض عصاتـي
الغلط
إن كـان مـا هـذا الغلـط منـي عليـك يردنـي
ماردنـي حبـك ولا لـك ردنــي دمــعٍ ذرف
علقني بصمتـك علـى جفـن الجـروح وشدنـي
واكتبنـي أول مـن بغلطاتـه تباهـى وأعـتـرف
عـد الغلـط مفتـاح شبـاك البيـاض وعـدنـي
مفتـاح قلبـك كلمـا قلبـك تهـيـا وانـجـرف
اشرع صباح الغـي فيـك وفيـك للغـي اهدنـي
تقدر وهذا بـرق وسمـي لـك تيمـم وانصـرف
صمتـي يسـدك وانكسـار البـوح فيـك يسدنـي
يعني جمعت اقصى طرف لاوجاعنا باقصى طرف
من غيرك اجمل؟! وانت وحدك في الشتات تودنـي
من غيرك اكمل؟! وانت جرح وكثرة جروحي ترف
هذا الغلط! يعنـي كثيـر مـن الظـروف تحدنـي
ليلة وصلتـك مستقيـموداخلـي طفـل انحـرف
وان كان شح الصبـر فيـك ولا قـدرت تردنـي
قول : إنك أول من عرفني وانك اخر مـن عـرف
سارة جروحي
حتى أنت غبت وكان لغيابـك غيـاب
انتـه نسيـت ولا نسيـنـي غيـابـك
شوف المسا .. لو مرني مر مرتـاب
ماعدت فيـه أقـرأ رضـاك وعتابـك
قل : للسهر فكيت لك يالسهـر بـاب
هذي عيونـي يالسهـر مرحبـا بـك
لي فيـك ماللهمـس بشفـاه الأحبـاب
ولك في مـا يشبـع هزيـل إرتيابـك
سارة جروحي وأجمل أجروحي اسباب
علمتهـا نظـم الشعـر عنـد بـابـك
ليت المكان اللـي ورى دمعتـك ذاب
وقف شوي ومثل مـا أخـذك جابـك
أشهى قدر.. لو الخطأ بالخطـأ تـاب
وأجمل قدر.. لو مربـي .. وإنتهابـك
مادام صبحي تقبل أطيـوره أسـراب
مصيرها تشـرب روى مـن سرابـك
ومادام صدري زفرته حـرف وكتـاب
ماهل حرف إلا وهـو مـن حسابـك
حلم
مستبشريـنوغيمـة الدمـع تنشـاف
نظحك وحـزن قلبونـا مـن حكالـه
قلت اخرجي من طينة اسوار الاعارف
وتشكلي شجر انفضـل عـن ظلالـه
واستعطفي لطيورنـا تيـن الاطـراف
اليـل شـر ورث المهـد وانفصالـه
احلامنا خوف اعتنق جوع الاسـلاف
وافواهنـا منهـا الكـلام استحـالـة
ندعو ويتنـزل مطـر وسمنـا جـاف
حتى خلق فينـا مـن السهـو حالـه
من وين نلقـى للشتـا نـار ولحـاف
والصيـف مـر ولاخطرنـا فـبالـه
حبيبتي كـم قلـت بحلمـك واخـاف
احلـم ويفجعنـي السـؤال بسـؤالـه
|
|
|
|
أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
الإهداءات
العرض المتطور