برنامج O&O DiskRecovery لإستعادة الملفات المحذوفة + شرح

 

برنامج O&O DiskRecovery لإستعادة الملفات المحذوفة + شرح

طبعا قبل ما أبدى أستخدم البرنامج الثاني رحت للبارتشن اللي جالس أجرب فيه G وسويت له تهيئه سريعه ( فورمات ) .. عشان ننظف الحوسه اللي قبل

لكن هنا يوم جيت أسوي نفس الحركه ( 3 مجلدات بطرق مختلفه للحذف ) تورطت لأن البرنامج ما يدعم البحث في المجلدات بشكل منفصل .. يبحث بالبارتشن كله مره وحده .

قمت رحت غيرت الملفات بين المجلدات عشان لو رجعت بالأسم أقدر أفرق بينها .. وحذفت كل واحد بطريقه مختلفه وشغلت البرنامج .

أول واجهه للبرنامج ونلاحظ فيه خيار لأستكمال عمليه استرجاع سابقه .. نضغط التالي ونكمل .

من هنا أختار البارتشن اللي ابسترجع منه الملفات وبهالحاله G طبعا لو فيه جزء غير مقسم من الهاردسك .. ممكن تشيل علامه الصح تحت وراح يطلع لك وتقدر تبحث فيه .

- 1 تمكين خاصيه البحث الدقيق وتزيد من أمكانيه استرجاع الملفات خاصه صغيره الحجم .. لكنها بالتأكيد تزيد من وقت عمليه البحث .

2 - خاصيه البحث الذكي : هنا عمليه البحث تتجاوز الملفات الموجوده حاليا على الهاردسك .

- 3 تجاهل نظام الملفات وقت البحث .. هنا يذكر أمكانيه استرجاع الملفات مهما كان نوع النظام اللي عليه الهاردسك ( ممكن يشمل مشكله الـ RAW Format واللي تصير لبعض الهاردسكات الخارجيه ) للأسف ما عندي هاردسك خارجي او غيره عشان أجرب عليه .

4- تحديد حجم للملفات اللي تبي تسترجعها ( الحجم منفصل لكل ملف ) يعني ما تبيه يسترجع ملفات حجمها أكثر من 5 ميقا تحدد الحجم وأكثر من كذا راح يتجاهله .

ونلاحظ برضه خيار حفظ عمليه الاسترجاع عشان تكملها بعدين .

الخطوه اللي بعد كذا نحدد الصيغ اللي تبي تبحث فيها .. والبرنامح حاط قائمه حلوه ومرتبه على حسب النوع ( فيديو -صوت -ملفات مضغوطه - صور ..... وغيرها ) .

طبعا انا حددتها كلها .. وأتوقع هذا السبب اللي خلى عمليه البحث تطول شوي .

بدء عمليه البحث .. تقريبا 35 دقيقه لمساحه 20 قيقا تعتبر معقوله .. خاصه إذا أخذنا بالإعتبار أن الشغل كله على لابتوب وأني أشتغل على أكثر من تطبيق وقت البحث .

هنا بعد ما خلص يعطيك قائمه بكل صيغه لحالها وعدد الملفات اللي استخرجها من هالصيغه .. طبعا طارت عيوني لأن حجم الملفات المسترجعه حول 18.8 قيقا يعني نفس مساحه البارتشن

بعد ما تضغط التالي راح يطلب منك تحديد المكان اللي تبي تحفظ فيه الملفات المسترجعه .. نختار مجلد على البارتشن D وبرضه نشوف انه راح يرفق تقرير Report فيه كل التفصيل للعمليه والملفات اللي استرجعتها .

الحين عط سداح فرصه وخذ لك كاس شاي او فنجال قهوة لين يحفظ الملفات اللي حصلها .

بعد كذا اذا رحنا للمجلد اللي حفظنا فيه الملفات محصلها على هالشكل .. مقسمه حسب الصيغه + التقرير واللي يوضح جميع الملفات المستعاده وحجمها بالتفصيل .

اللي لاحظته بعد ما شيكت على الملفات .. أنه أسترجع أغلب او تقريبا كل الملفات اللي تم حذفها بالطريقه العاديه Del أو Shift + Del .. لكنه فشل في استرجاع ملفات الـ PDF .

لكن اللي أستغربت منه أنه مرجع ملفاااات كثير غير اللي أنا حذفتها مع ملاحظه أني سويت فورمات للبارتشن هذا 3 مرات للحين ولقيته محصل ملفات فيديو وصور قديمه بعضها يشتغل لكنه ناقص وبعضها معطوب .. وهالملفات المعطوبه خلت الجهاز يعلق ويطير علي الموضوع مرتين

برضه استعاد ملفات كثيره وبصيغ مختلفه لكن بأحجام غريبه مثل صوره عاديه بحجم 2.4 قيقا تقريبا وكذا صورة BMP بأحجام حول الـ 300 ميقا وكلها معطوبه .

الخلاصه :

* قدره البرنامج من ناحيه استرجاع الملفات قويه + دعمه لكثير من الصيغ مع أمكانيه تحديد البحث فيها بشكل سهل وواضح .

* جربت أسوي تهيئه عاديه فورمات مطوله شوي ( تختلف عن التهيئه السريعه اللي سويتها قبل ) + غيرت اسم البارتشن وجربت أستعيد الملفات اللي حذفتها ورجعها كلها سليمه بدون أي مشكله بغيت أقوم أصفق له صراحه

* يمكن يعيبه عدم قدرته على تحديد مجلد معين للبحث وكونه يستغرق وقت طويل للبحث وبعدها وقت مماثل تقريبا للأسترجاع .

لتحميل البرنامج أنسخ الرابط وضعه في المتصفح

http://www.mediafire.com/?tzity0lydnt

المصدر: منتدى الخليج

 

شكرآ ع البرنامج المفيد
ويعطيك الف عافية

 يسلمو بحرالرواسى
على مرورك الكريم ويعطيك ألف عافية

 سموي كحيلان
مشكور عالبرنامج والشرح
تقبل مروري المتواضع

 تسلم اخوي على البرنامج والشرح
يعطيك الف عافية على المجهود
ارق التحايآ

 كحيلان الف شكر على البرنامج والشرح يعافيك ربي

 يسلمو خواطر
على مرورك الكريم ويعطيك ألف عافية