..:: جيتك حضن عاشق وهايم ومغروم ::..

 

..:: جيتك حضن عاشق وهايم ومغروم ::..

جيتك حضن عاشق وهايم ومغروم
وده يضمك لين تصبح على خير

متى تحس ان الهوى شي مقسوم
من قسمة الخالق على خلقه يصير

ومتى تحس اني لك اطيح واقـــوم
واتعب على شــــانك واقدرك وآغير

لي في هواك احلام وامــال وعلوم
واحزاب واصحاب وقصيد وجماهير

وهموم وافكار وهواجيس وحلـوم
وادروب واخطــار وعذاب ومشاوير

وحـب وغلا واخلاص ومعاند ولوم
واحسـاس واللهام وشعور وتفاكير

وصحبـة سهر ومقاطعة لذة النـوم
واشــــواق جياشه وعشق وتعابير

في ذمتك مــابـــــان لك شـي مكتوم ؟
من بعد ماصورت الاوضاع تصوير

لاتحســب انك شي عابـــر ومعدوم
وتاريخ حبك فـــاق كل الاســــاطير

كنـــي لقيتك بـــأغنيــــه لأم كلثوم
وكني قـريتك في روايـــــة شكسبير

في كل شـي اتخيلك واسمعــك دوم
واتــــأملك في الوقت الأول ولآخير

من ماضــي الأيــام لايومــك اليوم
وغـلاك عندي ماحصــــل فيه تغيير

وانا لك الله مأقبل البيع والســــوم
ولا ارضى علي ولاعليك المخاسير

لاْني الوحيد اللي على بحرك يعوم
واللي عرف مرساه في رحلة السير

لحظـــه حبيبي قبل يسبقني النـوم
بضـــم صدرك لين تصبح على خير





..:: اتمنــــــــى تعجبكــــم ::..

المصدر: منتدى الخليج

 
صح لسانك أختي الريم اللعوب
ويسلمو على كتابة هذه الكلمات الجميلة والرائعة ويعطيك ألف عافية

 تسلم يمانج الغاليه

ونرقب الزوود من ابداعاتج ^_*



ســـــلامــــــــــي

 عاشوا عاشوا ناااااااااااااااااااااااايس الكلمات هع هع


تسلمين ريماني ربي يعطيج العافيه

 .
.
++ { القلب الحزين...

هلا و غلا فيك
يسلمو اخوي على المرور العطر
ارق التحايــأ العطرة

++ { الريم اللعوب ...

 .
.
++ { شيوخية...

هلا و غلا فيك
يسلمو الغلا على المرور العطر
ارق التحايــأ العطرة

++ { الريم اللعوب ...

 .
.
++ { شمايل...

هلا و غلا فيك
يسلمو الغلا على المرور العطر
ارق التحايــأ العطرة

++ { الريم اللعوب ...