زمان الغضب

 

زمان الغضب

صاحبي والليل مايشفي اوجاع السقيم
======والعذر عن مدة الطيب مافيه اثـْمره
وش يسوي خالي امراح لوكفه كريم
======لا لفاه الضيف ماعنده اللي يذْخره
كل يوم لغيض الايام زفرات وهميم
====== وقتٍ ادمتني سيوفه وتطعن خنـْجره




مامنحني في زمان الغضب صدر الحليم
====ولازرع لي في هجير الظما غصن شْجره
يوم ينخا ني رفيقي على الخطب الجسيم
======= واتلوى ضيق من خوف يلحقني شره
اجزم ان الوقت لاشح في وجه الكريم
========== والله انه مايقدم ولو قدر شـْعره



واجزم ان الوقت لاجاد لكفوف اللئيم
======== والله لتنبت ..ظوامي صحاريها ذره
من كثر ماني بمأساة والوضع العديم
========مالمحت الميسره في عيون المعْسره
قايم ٍ في جبال رضوى وانا كتفي كليم
========= واتساءل كيف همي ليازاد اقـْدره



لو تربع نجد مالي بها روضة خريم
========ولايسر البارق الا من يجيه مْطره
ادري ان المشرك ان مات مثواه الجحيم
====== =وادري ان مادون ذلك بحكم المغفره
موقفٍ محرج ولايعود الصاحب خصيم
=========ساعة ٍ فيها ظروف الليالي..تجـْبره



صاحبي ماعاد في صاحبك ظلع ٍ سليم
======= غير ظلع..وخايف ان زاد حمله يكْسره
صاحبك لاضامه الوقت والجرح الأليم
=========ضمده لاتزيده اجراح والكسر اجـْبره
والعفو مايصدر الا من الرجل العظيم
======= والخطا وارد...ومن ساق عذره.فاعذره

المصدر: منتدى الخليج

 

صاحبي ماعاد في صاحبك ظلع ٍ سليم ======= غير ظلع..وخايف ان زاد حمله يكْسره صاحبك لاضامه الوقت والجرح الأليم =========ضمده لاتزيده اجراح والكسر اجـْبره والعفو مايصدر الا من الرجل العظيم ======= والخطا وارد...ومن ساق عذره.فاعذره

ويسلمو السرآب
على أختيارك هذه الكلمات الجميلة والرائعة
ويعطيك ألف عافية

 تسلمين حبيبتى ع الكلمات
ويعطيج العافية ع النقل

 

يسلموا ع اختيارك للكلمات

يعطيك الف عافيه

تحياتي

 

..السرآب}
/
تسلمين حبيبتي ع /
( ـآلكلمات) الحلوهـ ..
آنتقآء ولآ أروع ..~
عسـآك ع [ آلقوة] يآلغلآ ..
لآخلآ ولآ ع ـــدم ،’
..
... [] ...

’، كنزالغلا ،’

 صاحبك لاضامه الوقت والجرح الأليم
ضمده لاتزيده اجراح والكسر اجـْبره
والعفو مايصدر الا من الرجل العظيم
والخطا وارد...ومن ساق عذره.فاعذره

السراب
ابيات رائعه وفقتي في اختيارها
يعطيج الف عافية على روعه ذوقك
دمتي في حفظ المولى