قصة وعد

 

قصة وعد

قصة وعــد ..

قصة بريئة ..

ساحرة ..

لكنها :

رسم وخيال ..

مكتوبة في بحر المحال ..

والمستحيل ..

وفي شبيه المستحيل ..

قصة بدتْ :

( ورد و َ وعــــد )


حتى اقبلتْ :

( لحظة وداع الحب )

1- ( ورد و وعد )

تدرين . . ؟

إن الورد مثلك . .

يبتدي بالــ ( واو ) . .

وإنه يحاول ينتهي مثلك بحرف الــ ( دال ) ..

بس إنتي أجمل . .

وإنتي أحلا . .

لأن في داخلك يسكن بالجمال الــ ( عين ) . .


2- ( العروسة الحالمة )

ودي الليلة أجيك

وآخذك

من بين كل الناس

أشوفك

أحضنك

أرقص معاك

اروي شفاهي من شفاهك

لنك الليلة ملاك

نفسي أشوفك ترقصين

وبشعرك الساحر برقة تلفحين

إنتي الليلة العروسة الحالمة
وإنتي القمر

يا أحلا وعـــد ..


3- (مــنــهـــو أنــــا ؟ ! )

تدرين ؟ !

تدرين يا نبض الغلا

منهو أنا ؟ !



يمكن أكون المستحيل

أو شبيه المستحيل

أو خيال

في خيال

من خيال



يمكن أنا في داخلك

صورة قديمة

باهتة

ألوانها متداخلة

أطرافها متشققة

يمكن تذوب من لمستك



فيها تشوفي خافقي

ينبض باحساس الهوى

يمكن خفيف

كل العيون ما تلاحظه

إلا عيونك

شايفة

نظرة عيوني السارحة

في بسمتك

في همستك

في كل تفاصيل الغلا



تدرين ؟ !

تدرين يا نبض الغلا

منهو أنا ؟ !


أنا عاشق الوعد الوفي
.........................اللي ما يخلف عاشــــقه


حتى ولو كنت أخـــتفي
.........................عينه لعيني كاشــــــفه


واحيا بحبه واكـــــتفي
.........................لو ينسى كل الســـالفه


4- ( أبــــعــتـذر !!! )

أبعتذر

عن غلطتكلأنك أكيد
ما تقصدي


يمكن أنا
من لهفتي
جيت بجنون
و ودي آخذك بيدي


كنت أحسبك
إنك بحبي تفرحي
تنسي الهموم
وتسعدي


جيتك أنا أطلب
وعد
وإنتي عطيتيني
عهد
ما يدري باحساسي أحد


أنا ما ألومك
لا .. أبــد

أعرفك دايم تصدقي
وأعرفك ما تـتـرددي
وأعرف بأنك خايفة


لكن أبي تتأكدي

إني أحبك
لــــلأبـــــد

وبعتذر

عن غلطتك
لأنك أكيد
ما تقصدي


5- ( لحظة .. وداع الحب )

لحظة وداع الحـــب .. !

لحظة قاسيه ..

وإنتي تراكي ناسيه ..


إني أنا ..
جيت ابمشاعر راسيه ..


وإني أنا أوفـيــــت ..

في كل الـــوعـــــووود ..


وأرجوووك ِ :

كوني وافيه ..


إنتي الــ وعــد

اللي يعيش بداخلي


وإنتي العـهـد
اللي أعيش بداخله


وإنتي الحــروف

اللي انـقـشـتْ

اسمك هـنا

في خافقي


وإنتي ..

اللي فجأة :

عن حياتي راحله


تـدريـن ..

إني أعشقك ..

وعيوني دايم باكيه


من شوقها ..

لا.. ما ارمـشـتْ

يمكن تشوفك راجعه ..


وتدرين ..

يا روحي أنا ..

جيت ابمشاعر راسيه ..


وإني أنا أوفـيــــت ..

في كل الـــوعـــــووود ..


وأرجوووك ِ :

كوني وافيه ..
***

وانتهتْ ..

قصة وعــــد ..
لكنها تبقى ..

بعين الحب ..

دمعة ..

حزينة ..

دايمة ..

وتبقى خيال ...



مما تصفحت وشعرت اني كاتبها لما لامست من واقعي كثير في هذه الايام التي امر بها

نقلتها لكم اتمنى ان تنال على رضاكم



ع ــــــلاوي

المصدر: منتدى الخليج

 مشكووؤؤر اخوي علاوي ع القصه

 
يمكن أنا
من لهفتي
جيت بجنون
و ودي آخذك بيدي

كنت أحسبك
إنك بحبي تفرحي
تنسي الهموم
وتسعدي

خاطره رائعه متسلسله
معانيها تصل للقلب
ابدعت في بوحك اخوي
يعطيك الف عافية
ارق التحايآ العذبه

 تسلم ع الكلماات

 
يسلمو ع ـلاوي
على أختيارك هذه الكلمات الجميلة والرائعة
ويعطيك ألف عافية

 إنتي الــ وعــد

اللي يعيش بداخلي


وإنتي العـهـد
اللي أعيش بداخله
لااستطيع القول بانك ابدعت في اختيارك
بل الابداع يختار تميزه من اناملك وعذوبه كلماتك
لقد ابحرنا معك في عالم آخر
شكرا لاحساسك الدافئ
وشكرا لروعة كلمآتك
ولا تحرمنا من روعة احساسك
لك مني اعطر تحية

 

"" علاوي ""

/
/

يعطيك ربي العافيه ..

يسلمـ ووووع الكلمات الرائعه ..

ألف شكر لكـ ..

/
/

●
●
~ كنز الغلا ~