- كنت : صدفه ، ولكن : ( كلّفتني عمر ) !

 

- كنت : صدفه ، ولكن : ( كلّفتني عمر ) !

( إنتهينا ) ، وضاع العمر .. والله يعين !!
مرّه : الذكريات .. ( وصدفة العمر ) : أمر
الصدف بـ العمر .. ما تخلا من حاجتين
يا تلاقي: عمر .. وإلا .. تضيّع : عمر !!
حلم عمري : توفّى .. والبقى فـ السنين !
رحت تارك حبيبك .. فـ الحزن : منغمر !!
وإنت بـ العمر : مرّة .. ما تجي : مرتين !
ذكرياتك : تمرّ .. إلا أنت .. ناسي تمرّ !!
كنت : مستقبلي ، والحين : ماضي حزين
جانبك كان : مُظلم .. كنت مثل : ( القمر )
وين كنّا .. أنا ويّاك .. والحين : ( وين) ؟
من : بياض الأماني ، لـ الجروح : السمر
مرهقه : ذكرياتك .. كلّ ليله : حنيييييييين
كلّ ليله : ( جروح ) .. ونزفها : منهمر !!!
أسهرك ليل .. وعيون السهر : ( مرهقين )
الدموع : ( إستمرّت ) .. والسهاد : إستمر
غايبي .. شوفني في ( سكّة المُتعبين ) !!
بعد ماكنت أشوفك .. لـ السعاده : ممر !
بعد ما كنت .. شايلْك بـ يسار ، ويمين !!
كنت : زارعك فيني .. بسّ : مات الثمر !!
حيل : ( محتاج لك ) .. لله يا غااااايبين !
ردّوا : البارد اللي .. إنتظاره : ( جمر) !!
رغم : هذا التعب .. أذكركفي .. كلّ حين
ورغم : هذي الايام .. إلا إنّه .. الفقد مر
ضاع كلّي .. وأنا أدوّر معك : نصف دين
( ماتت الأمنيات ) .. وكلّ شيّ .. إندمر !!
( صدفة العمر) .. مـا خلّتني إلا : حزين
غايبي .. ذكرياتك .. كلّ ليلة .. ( تمر ) !!
كنت : واحد .. ومغنيني .. عن العالمين!!
كنت : صدفه ، ولكن : ( كلّفتني عمر) !

المصدر: منتدى الخليج

 شكرآ ع الكلمات
ويعطيك الف عافية</b></i>

 يسلمو الوتر الحساس
على وضعك هذه الكلمات الجميلة ويعطيك ألف عافية

 غايبي .. ذكرياتك .. كلّ ليلة .. ( تمر ) !!
كنت : واحد .. ومغنيني .. عن العالمين!!
كنت : صدفه ، ولكن : ( كلّفتني عمر) !


قصيدة جميلة معبره

شكرا للنقل الجميل

 شكراً لطرحك الكلمات الجميلة والرائعه
يعطيك ربي العافية

 أتعبتي القلوب يا الغاليه
مدري وش اكتبــــ
لكِ الدعوات بطول العُمر والسعادة في دُنياكِ .

 غايبي .. شوفني في (سكّة المُتعبين ) !!
بعد ماكنت أشوفك .. لـ السعاده: ممر !
بعد ما كنت .. شايلْك بـ يسار ، ويمين !!
كنت : زارعك فيني .. بسّ : مات الثمر!!
حيل : ( محتاج لك) .. لله يا غااااايبين !


طرح في منتهى القييم بارككِ آلله