أنت غير مسجل في منتدى الخليج . للتسجيل الرجاء إضغط هنـا
آخر 10 مشاركات
|
الإهداءات |
|
|
|
|||||||
 |
|
|
| #1 | ||||||||||||
  
|
 المفروض احـط هالـصورة واطـلع ..  لانهـا اتـوقع كـافية ومعبرة عن قـوة الهبـال والزحف اللي راح يكون في الجزء الثـاااني .., في البـداية قبـل لا أكتب المـوضوع .. أحب أتوجه بالشكـر للفنان فـايز المـالكي على تسهيلة لكل الامور اللي واجهتني عشان اوصل لمكان تصوير العمـل ,, حتـى انه كـان هو اكثر حـرص على تـواجد المنتدى الفني في موقع التصوير وتغطية المسلسل .. حتى لادخـل يصور في الغرفة ولا في اي مكـان كان أول شي يطلبه هـو تواجدي معه .. ومن هالمساحة الصغيرة احب اشكـر ابو ركـان  .. اللي يوم جيت بأشكره في وجهه قال وخر لاافقع وجهك  لاتقلبها رسميـات وحنا اخوان واي وقت بتجي دق علي وانا اوصفلك .. واكيد ما انسى اشكـر الفنان حسن ابو مجد على تواضعه وجلسته معي في كل بريك وسوالفه وفي الاخير الشكر موصول لـكل طاقم العمل  خلوني اتكلم عن المسلسل .. المسلسل ان شاءلله راح يكون 30 حلقة .. وراح يكون وقته اغلب الظن انه بعد مسلسل ناس وناس على الام بي سي وحصري .. راح تكون القصة مغاايرة شـوي عن الجزء الاول .. بحيث ان الشمراني راح يكون رئيس دولة  .. والمالكي وعسيريراح يكونون من الكاشات .. وكل واحد بيكون قبل اسمه لقب " الشيخ " ..  وفـايز بيترك الربابة .. وبيصير عـازف اورق فـايز المـالكي راااح يطلع في هالمسلسل بـ لزمة .. خيالية .. راح تضرب في كل محـل .. انا بس سمعتها امس معه .. وصرت للحين اغنيها .. بعنوان " يالحـااشي "بس ماحبيت اقول كلماتها عشان ماحرقها عليكم في هالمسلسل .. جـو المحبة والاخـوة والتعـاون هـو الطاغي حتى من محبة الشباب لبعض وتعاملهم بحسن .. انا سألت عسيري .. هذولي توهم متعرفين على بعـض  .. لان اشوف كل واحد مستحي وودهـ يخدم .. بس قـال عسيري .. لا هم كذا حبايب مشاءلله عليهم وهم معي من زمـاان ... وهـذا من أهم الاسباب اللي تخلينا نشتغل وحنا مروقين  .. وحسب تصريـحات المخرج والممثلين ان هـذا الجزء راح يكون قنبلة × قنبلة  الحمــااس والامـل مهوب بس على وجـوه الفنانين .. الا حتى على وجه المخرج والكاتب ومسـاعد المخرج والطــاقم كله .. وسألت بعض الفنانين عن المسلسل والجزء الثاني وكل واحد علق وقـاال .. --{ حسن عسيري هالجـزء راااح يكون من أهم أحـداث رمضـان .. وقل ماقاله حسن ياخي العام اللي فات كنا نشتغل وندري انه كوميدي .. بس هالسنة نشتغل وندري انه من الذبات راح يكون الافضـل .. ولاهوب غرور , او تنقيص في المسلسلات الثانية بقدر ما انا متفائل .. اتمنى التوفيق للجميع ولنا في المسلسل وان شاءلله ان المسلسل راح يجوزلكم .. فـايز المـالكي }-- لاتكلمني لاتناقشني وعـدنا في رمضـان .. ياخي يكفيك ان مناحي ومفرح صاروا شيوخ والواصل رئيس دولة بس بجد ماقد اشتغلت في مسلسل وانا احس اني كـامل ومركز مثل بيني وبينك في الجزء الثاني وصدقني هالجزء راح ينسيكم بيني وبينك الجزء الاول وبتقلون وشلون تحملناهم وكل مرة اجي في التصوير احس ان عندي دافـع اني اقدم افضل ماعندي .. لان هالمسلسل اذا نجح راح ينجح اسمي واسامينا كلنا .. ويمكن نجاحه يخلينا نعطي اكثر من حزء فيه ولكن ان شاءلله ان شاءلله راح يعجكم وقل للشباب في المنتدى انتظروا لزمة جديدة من فايز المالكي { المخرج ايمن الشيخاني } كـان يقول مادري هـو لان انا ماحضرت تصـوير الموسم الاول .. او انا متفائل جداً بس شعـوري يقول ان هالمسلسل راح يقلب موازين الساحة الخليجية في رمضـان وعلى قد ماشتغلت واخرجت مسلسلات الا هالمسلسل كان الافضـل من ناحية التعاون ومن ناحية الممثلين اللي يشتغلون معك اللي يخلونك تغطي مزيد من الابداع والجو مثل مانت شايف يسوده المحبة : ) طبعاً العمل الان لـه تقريباً شهر وشـوي .. وانتهوا من التصوير في منطقة الجنوب وانتهوا التصوير من منطقة العاذرية .. وانتهوا تصوير من منطقة البطحـاء .. حالياً يصورون بعض الاعمـال الداخلية .. وبعد اسبوع راح يسافرون لأثيوبيـا .. وراح تصير هناك معركة وفيها طلق مسدسات حقيقي وطيارات وجنود نسأل الله السلامة .. وتقريباً في 7/15راح يخلصون من المسلسل وتسليمه .. بحيث يتوجه الفنانين لعمل بعض المسلسلات المتبقية لهم وراح يكون فيه عمل لفايز بعنوان عيال منفوحة ... طبعاً بدون شخصية مناحيوان شاءلله بنكتب عنه قريب نبتدي في الصـور  طبعاً التصوير كان في فندق ماريوت في الرياض يوم السبت من الساعه 3 الظهر ابتدوا التصوير لين 8 المغرب .. وهذي الصور بالتفصيل الممل  صـورة العدة ملبقه عند باب الهوتيل  رقم السويت .. والله يكون في عون من كان ساكن حول هالسويت بعدهـا دخلت وسلمت على الموجودين وقلبناها سوالف لين وصل حسن عسيري ودخل ولبس لبس مفرح وطلع .. واخذنا صورة جماعية لهم  حسن عسيري وفايز المالكي وخالد الرفاعي اللي كان بدور الهندي في هذي الحلقة  حسن عسيري وفايز المالكي والمخرج ايمن شيخاني  بعدها كل واحد قام ياخذ استعداده ..  الاستـاذ فاضل مساعد المخرج يوزع الادوار  فـايز وهو يشوف دوره وجالس يطبقه بشحصية مناحي كـ بروفـة شف الحواجب والاثم .. وتقمص الشخصية  الكـام اخذت وضعها تنتظر المخرج  المخرج وصـل ومسـاعد المخرج كاان يوصل الاسلاك ويعمل بروفـات  حسن عسيري يعمل بروفـة مع فايز  والبروفـة للحين وكل شوي تجي زيـاادة من احد  حسن يتكلم على الشغالة زوجة خالد الرفاعي في المسلسل .. وذب ذبة اليمة على زينب العسكري في المشهد .. نخليكم تشوفونها في وقتها ان شاءلله ان الله احيانا مانبي نحرق الذبة  سيدة االحسن والجمال .. زوجة الرفاعي في الحلقة  جالسين يشرحون للشغالة كيف تمثل والله ودك هالمشهد مسجل .. كله كوم وتمثيل المالكي قدامها كوم ثاني بشرحلها  في اول مشهد مع الشغالة  بعد ماخلص المشهد .. وهم يذبون على الشغالة خخخخ  وضحكة للمنتدى الفني  وبعدها كـان مشهد لرفاعي مع حبيبة القلب  وبعدها طقيتها سـوالف انا وفايز عن المنتدى الفني والاقـلاع  فـايز كان يسألني عن المنتدى الفني والأعضـاء والتغطيات الرمضـانية وكل شي  وانا مستلم أجوبه على كل سؤال .. مع الشرح المتعدد الممل مشاءلله عليك يافايز .. ياكثر جوالاتك  وبعدها دخل الرفـااعي في البانيو يكمل تصويره عــااد انا فقدت عسيري والمالكي ولا ادري وينهم ودخلت الغرفة الا هم شابكين النت وداخلين على ..  لينهم داخلين الاقـلاع  هنــاا وهم يشيكون على المواضيع  بعد ماشيكوا ع كل المواضيع  شوي راح حسن ودخل العيارين وسحب على فايز وفايز ينتظر .. وهو يصرفه يقول شوي بس  عــااد فـااايز شب على حسن يقول ادخل الفني خل نشوف موت الفنان الاماراتي وش السبب وعسيري جالس يقول شف هالموضوع حق حاذف ترم بطل لايفوتك  فـاايز فقد الامل ودخل يتمدد قبل مانصلي انا وياه العصر . . . . يتبع.... المصدر: منتدى الخليج
|
|||||||||||
| #2 | ||||||||||||
|
|
وبعدهــا جلسنا شوي تقهوينا بعدين نزلنا لـ اللوبي وكانت لي هناك كم صورة من اللوبي  المخرج ايمن شيخاني .. اللي كان فايز يسميه ايمن شامية  فايز عين على النص وعين على مكان التصوير .. وزيادة على كذا اذن على الجوال واذن مع المخرج .. مشاءلله عليك   بداية المشهد على انهم توهم داخلين الفندق  ويروح فـايز يزبط الحجز وينتهي المشهد ويطلعون بالمصعد  فـايز وهو يقـول خذ فنـجال يامهند وخل عنك التصوير .. خذ فنجال وروق البال  الطـاقم من فـوق  وفايز وحسن للحين عند القهوة   كمية هبـااال مهيب طبيعية  كلهم دايخين وفيهم النوم ومافيه الا ذب على خلق الله .. انا يالضيف ماسلمت فيه شااايب جا لفايز يكلمه في اذنه .. ولاهوب طبيعي هالشايب عـااد الشايب كرشة مشاءلله عليه .. قال فـايز رح يارجال لا اعطيك واحد اطيح هالجنين اللي في بطنك وهذي كانت آخـر المشاهد في ذاك اليوم .. اللي للأسـف ماكان الشمراني متواجد فيه ولكن ان شاءلله ع السبت بيكون متواجد ونقدر نجيب له كم صوره على تصريحه وفي الاخير اتمنى اننا وفقنا في نقل التغطية لكم .. وان شاءلله انها تنال استحسانكم . . . . م
|
|||||||||||
| #3 | |||||||||||||
 
|
. ++ { خالد الهاجري ...  هلا و غلا فيك ماقصرت يا خالد على النقل الموفق تسلم اخوي على التغطية الرائعه يعطيك الف عافية ارق التحايــأ العطرة ++ { الريم اللعوب ...
|
||||||||||||
| #4 | |||||||||||
  
|
|
||||||||||
| #5 | ||||||||||||
|
|
يا هلا بك يسلمووو على المرور الجمييييل ويعطيك الف عافية
|
|||||||||||
| #6 | ||||||||||||
|
|
يا هلا بك يسلمووو على المرور الجمييييل ويعطيك الف عافية
|
|||||||||||
|
| أدوات الموضوع | |
| انواع عرض الموضوع | |
|
|
العرض المتطور