وحده مايغار عليها زوجها‎

 

وحده مايغار عليها زوجها‎

طلعت معه السوق ويوم رجعوا قالت له :

شفت الشباب اللي كانوا يمنا قبل شوي .

تراهم حطوا رقمهم بجنطتي واحنا بالزحمه ..

قال : هاذي إنتي قلتيها .. ( بالزحمه ) ..!!

ارتفع ضغطها من زوجها البارد وفكرت بخطة ثانيه تخلي زوجها يغار عليها ..

راحت لجارهم ( بو علي ) وقالت له على موضوع زوجها وكانت تبي منه حل لمشكلتها ..

قال أبو علي : لازم يشوف ريال عندج بالبيت عشان تتحرك مشاعره ويغار عليج ..

قالت : خلاص أنت يابو علي تعال ..

قال : لالا .. أنا أعطيج الحل وبس ..

المهم .. قعدت تترجاه وتقنعه عشان يكون سبب في حل المشكله ..

وافق ( بو علي ) وياها قبل لايطلع زوجها من الدوام .

قامت الزوجه وحطت بو علي بدولاب الملابس .

وبعدها بدقايق وصل الزوج للبيت .

قالت الزوجه للزوج : أبيك تشتري لي فستان .

قال الزوج : فساتينك وايد . يعني إنتي مو بحاجه تشترين .

قالت : لا ما عندي ولا فستان ..

قال : دولابك مليان فساتين ..

قالت : لا . مافيه فساتين .. وإذا منت مصدّق روح وتأكد بنفسك ..

راح الزوج وفتح الدولاب .. وقعد يعـدّ الفساتين :

هذا فستان .. وهذا فستان .. وهذا فستان . بو علي وخرّ شوي . وهذا فستان .. وهذا فستان ...!!

ههههههههههههههههههههههههههههههااااااااع

المصدر: منتدى الخليج