منتدى الخليج - الفراق اسدل ستار القرب والمسرح يدينه

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - الفراق اسدل ستار القرب والمسرح يدينه (https://kleej.com/vb/showthread.php?t=98779)

الفراق اسدل ستار القرب والمسرح يدينه

.http://egytoo.com/wp-content/uploads...48817f6998.jpg

الفراق اسدل ستار القرب والمسرح يدينه
والدموع ارواح لو طاحت لها قدر ومكانه
/
خيم الليل وبقى للحزن دمعة بعينه
وانكسر قلبن يشوف فرقانا هدت كيانه

انكتب في صدر جدران الزمان قصه حزينة
والوداع يمد كف فراق ويكسر عنانه

كنت أشوف الوقت ينبت زعفرانه ياسمينه
صرت اشوف اليوم تذبل ياسمينه زعفرانه

ينزف الخافق على ذكرى تربت في سنينه
كلما لدت عيونه شافها بصفحة زمانه

لو خذاه الوقت وأشغال الزمن جابه حنينه
كيف مايذكر عيون ضمت الدنيا عشانه
/
نبتعد والشوق يجمعنا ويعطينا يمينه
ونتفارق والغلا باقي ولا ينزح مكانه

الفراق اسدل ستار القرب والمسرح يدينه
والدموع ارواح لو طاحت لها قدر ومكانه

\.http://egytoo.com/wp-content/uploads...-7elm3aber.jpg