منتدى الخليج - وينك ترى جانا مطر احيا شوارعنا

http://up.g4z4.com/uploads/31a043cd17.gif

http://im39.gulfup.com/0cDBL.gif

وينك ترى جانا مطر احيا شوارعنا
كل الشوارع امطرت ما غير شارعنا
طشـّت سوالفنا حنين
صبـّت دفاها للحنين
وأكثر غرابيل السنين .. ما عاد تجمعنا
تحتريني من امر
مـرّيت .. بيديني عطر
و أنفاس و آهآت و كلآم
بعضي فرح بعضي خصآم
تربكني خطواتي
فيني عمر آآآتي
ان عاش يهديك العطر
وان غاب بسكاتي
يكفيه يشعرك اهتمام يا نبض اوقاتي .. !!
وينك ؟؟
ترى جانا مطر ..!!
الله يا صوتك
وانا اتسمـّع هالمطر ذكرني بسكوتك
تـعآل (( لا يفوتك ))
شوف الزهر
شوف الأغاني والشعر
شوف البساتين بأمانينا يعانقها الشجر
شوف الحنان اللي تركني ليله البارح وجاك
اليوم ... ينسآني معاك !
ضيـّعت نفسي
من صحيت .. اسأل على نفسي
دوّرتني يمكن سريت .. وياك يا امسي
لقيتني بين المطر
رجعتلك بيدي عطر
وقلت لك :
(( غطـّى شوارعنا ))..
كل الشوارع امطرت ما غير شارعنا
ويـنك ؟؟
ترى جانا مطر ! مشتاق لك !
جانا مطر
واستنطق الليل بسواليفه
خلف السهر
طل الشتا بنظره على صيفه
لما حضر
غاب الضما بين العيون المستعينه بالصبر
يا للعمر ..!!
وش كانت الدنيا بدونك يآ هذاك الليل
تطلق عنانك للقمر .. حتى صبح قنديل
قطره ورى قطره
تختلط دمعاتك بريح المطر
وتصافح المنديل
ويتسآقط
حكي
يسرق الشارع ضيا ليله وحيده
يقطف الواقع كلامه .. من عنا قيده
يـذوب ..
ويصب البكي !
طاح بالشارع ثلاث ارواح
القمر ...
احلامك .
ورعشة عناءك
الشعور المحتوينا لما طاح
صاح
رجّحني على كفة غناءك
قام يطربني اغاني للصباح
حتى عانقت بصبحاتي مساءك
يا حنينٍ راح .. أطلبك السماح
أكثر اللي يعشق عيوني عطاءك
واكثر اللي شتت همومي ضياءك
واكثر احزاني دفاها من سماءك
قــوم
نسـّيني الجراح
مالقت هالروح اجمل من وفاك ..!!
يا وفاك ..!!
لاتخيبها ..ظنوني !! في وفاك ..]
وينك ..
ترى جانا مطر ؟؟
مرتني البارح طواري في محطات العمر
وانا من البارح
عرفتك