http://img528.imageshack.us/img528/6728/19803700.jpg

http://img163.imageshack.us/img163/6661/33564304.jpg

طبخه إيطالية .. سهله جداً .
شفتها باليوتيوب وطبقتها مع تغييرات بسيطة جداً عشان ماتطلع طبخة ثانيه !
طعمها زين .. مافيها ذيك النكهه القوية اللي سببها البهارات .
عن نفسي آكلها مع رز , بس اخوي حبها مع خبز والناس أذواق
+ أحسن مافيها ماتحتاج حمسة وبصل
.
.
| الطريقة والمقادير مع بعض | :
صدر دجاج نقطعه بالنص عشان تصير عندنا شريحتين رقيقتين .
ممكن تدقونه بعدين عشان يرق أكثر بس عن نفسي ماسويت كذا .
عصرت عليه نص ليمونه وخليته يتتبل يوم كامل .
بعدين ناخذ الدجاج ونبهره بفلفل أسود وبابريكا وملح .
ونغمسه بطحين - الطحين بعد نذر عليه شوي فلفل أسود وبابريكا -
وبعدها نغسمه ببيض - البيض نفس الشي نذر عليه شوي فلفل أسود -
وبعدها نحطه على طول بالمقلى نكون حاطينه على نار متوسطه من أول وفيه زيت شوي .
نخلي الدجاج 5 - 6 دقايق وبعدين نقلبه للجهة الثانيه .
لما يستوي ويتحمر شوي نشيله ونحطه بصحن ,
الحين بنفس المقلى نضيف كاس ماي مذوبين فيه نص مكعب ماجي ,
ونضيف عليه ربع اصبع زبدة وشوي بقدونس مفروم وشوي فلفل أسود وممكن ملح بس أنا استغنيت عنه عشان الماجي مالح .
ونحركه لما تذوب الزبده ويبدا يثقل شوي بس .
في هالمرحله نضيف الدجاج عليه ,

http://img708.imageshack.us/img708/426/10766416.jpg

ونقلبه شوي ونخليه لما يبدا الصوص يثقل مره مثل هنا شوفوا الفرق - أضفت شريحة ليمون تعطيه نكهه خفيفه -

http://img705.imageshack.us/img705/1226/47380745.jpg

وبعدها نقدمه .
* ملاحظه :
طبعاً بما إن قليناه ع الطبقه اللي فيها بيض , فتوقعوا يكون فيه نكهه خفيفه .

http://img811.imageshack.us/img811/2825/62350967.jpg