| ديب السبانخ والخرشوف |

http://img822.imageshack.us/img822/4015/12943792.jpg

http://img6.imageshack.us/img6/114/40969724.jpg

http://img137.imageshack.us/img137/1287/68685468.jpg

| الطريقة والمقادير مع بعض | :
ع النار نحمس حبة متوسطة بصل أبيض مقطع لمكعبات صغيره , مع الزيت ..
ونحط ملح عليه عشان يذبل .
بعدها نضيف عليه سبانخ - أنا استخدمت كيس صغير من السبانخ المجمده - .
ونحركها لما تسخن , بعدين نضيف عليها خرشوف - معلب - مقطع لمكعبات صغيره .
بالنسبة للخرشوف أنا حطيت بس قطعتين - مقطعتهم لمكعبات -
طبعاً بتلقون بالسوبرماركت نوعين من الخرشوف الملعب ..
لأنهم يفصلون قطعة الخرشوف : يفصلون القمة أو الرأس أعتقد عن الباقي , ويعلبون كل جزء بحالة .
أنا أخذت الكعب اللي على شكل رأس حبة الفطر , زبدة الموضوع خذوا اللي مكتوب عليها ( خرشوف - كعب ) :$
بعد ما نقلب الخرشوف معهم نرش فلفل أسود ونقلب ,
بعدين نضيف ملعقه كبيره مليانه جبن سائل ونقلبهم لما تتجانس ثم نصب عليهم علبه صغيره من كريمة الخفق .
لما تغلي نضيف جبن شدر + موزاريلا .. مبشورين طبعاً .. بالكمية اللي تحبون .
طبعاً بأمكانكم تزيدون وتنقصون بالشكل اللي تحبونه لين توصلون للطعم اللي ترغبون فيه =)
ونقدمه مع التوست المحمص بالثوم .
- للي سألوني عن طريقته : توست نقطعه شرايح وندهنه بـ جبن سايل وصوص الثوم الجاهز من المطاعم ونرش شوي نعناع مجفف ع الوجه وندخله الفرن يتحمر وبس -

http://img256.imageshack.us/img256/5746/35563821.jpg