منتدى الخليج - وظيفتي بالحياة استقبل اوجاعي

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - وظيفتي بالحياة استقبل اوجاعي (https://kleej.com/vb/showthread.php?t=80647)

وظيفتي بالحياة استقبل اوجاعي

ياللي تقول ابتسم ما للحــزن داعـــي

ماذقت من دنيتك ياصـــاحبــي لوعــه

ماتدري ان الشقى هو سـبــه ابداعــي

لولا الشقى ما عرفت الشعر وسجوعه

انا ادري اني ثقيل وراكــد و واعــي

بس البلا في همــومـن زادت فـروعه

نسعا وبعض السعي هو نكبه الساعي

والحــظ يقطع مداه وشكـلـه ونـوعـه

وظيفتي بالحـيــاة استـقـبل اوجــاعـي

في داخل الصــدر والافراح مـمنوعـه

لا جــاع همـي كلا مابين الاضـلاعـي

والهــم لو جـاع مايصـبـر على جوعه

من يغسل شراع همن غاسـل شراعــي

وادعــي له الله يخلــي دنـيــتـه روعـه

بعض المشاعر رعـاها الله بلا راعــي

وانا المشـــاعر من الثنتين مـقـطـوعـه

مسكين ياقلـب ذكــرك بالشقى شـاعــي

تصيح تحسب صدا الصيحات مسموعه

والناس ماهمـهـا لو شـانت اوضـاعـي

قلـيـل منهم علي بـتـذرف دمـــوعــــه

يالي تقـــول ابتسـم ما للحــزن داعــي

انا الـفـرح في حيـاتي ذابت شـمـوعـه

بقلم / ماجد الشمري