|
ليه القوي دايم يدوس وليه الخيانه !
ليه الطيب فينا خاب؟ ليه الوفا? في دنيا مافيها وفا..؟ في دنيا ما فيها صفا غير الخيانه والجفا..!! ================== وين العطا وين الحنان؟ وين المحبه والامان..؟ وينك يا ذاك المكان؟ ياللاسف انه أختفى..! ================== وين العيون ؟ راحت مع ذيك العيون..! حتى الظنون.. خابت مع ذاك الجفا. ================== ليه الخيانه في النفوس...؟ ليه القوي دايم يدوس ..؟ وليه الفقر وجهه عبوس!! وما أعظمه اللي خفا ================== ليه الكبير ما ياخذ بيد الصغير؟ وليه الصغير يبقى على حاله صغير؟ وليه الظلم صاير كثير...؟ وليه البرد ما به دفا.؟ ================== ليه الحسود فيه الحسد وكنّ ما عنده ابد وهو ماله يكفي بلد هذا مرض ولا له شفا ..! ================== ليه المصالح في الصديق وليه الصدق ماله رفيق حتى الطريق دايم يضيق وليه الوفا فينا أنطفى ..؟ ================== ليه الكلام ليه الجروح ..؟ نجرح بعضنا في وضوح وتنهدم فينا الصروح ونِدِّعي انه أختفى! ================== ليه السعاده أختفت ..؟ وليه الشموع فينا أنطفت .؟. وليه الحبيب ما وفى .؟ والجرح بالجرح إحتفى ! ================= ليه الثمن ؟ كل شئْ صاير بالثمن ؟ حتى الزمن .. ياخذ ثمن .. (عمرك ثمن) ! ياخذ ولا عمره أكتفى ..! ================== للأسف هذي الحقيقه كل واحد في طريقه ويطلع على أكتافه رفيقه وتندثر كلمة وفاء ! ================== ونبقى دايم ضايعين ! في هاليتامى طامعين ونقول يالله يامعين وللايادي رافعين ! إقبل دعانا في الخفا .. ================= ونموت وإحنا بلا عمل ! ونقول ايش اللي حصل ! اللي حصل مات الأمل وياللاسف مااااات الوفاء !!!! |
رد: ليه القوي دايم يدوس وليه الخيانه !
يسلمو ديلر
على أختيارك هذه الكلمات الرائعة ويعطيك ألف عافية |
رد: ليه القوي دايم يدوس وليه الخيانه !
|
رد: ليه القوي دايم يدوس وليه الخيانه !
تسلم ع الكلمات الراااائعه
ويعطيك العافيه |
رد: ليه القوي دايم يدوس وليه الخيانه !
يسلمو على طرح الكلمات
ويعطيك ألف عافية |
رد: ليه القوي دايم يدوس وليه الخيانه !
يعافيك ربي على الكلمات الجميله
|
رد: ليه القوي دايم يدوس وليه الخيانه !
يعطيك ربي العافيه
|
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
