منتدى الخليج - حبيت غيري

وفيت في تجريح قلبي وكفيت

قلب يحبك وأصبح اليوم مطعون

حبيت غيري وعن هوانا تخليت
وأول حلفت وقلت عزاه ماخون

الله وأكبر ياحبيبي تناسيت
حب جمعنا وأغلب الناس يدرون

أول خفوقي بالمحبه لكم بيت
واليوم بأشباح الحزن صار مسكون

كم مره في تالي الليل ونيت
وكل الحشا في داخله جرح وطعون

من حر مابي يابن اﻻ‌جواد هليت
دمعي وقلبك داخل العين مسجون

واذا شفت عاذلي تضاحكت وسويت
نفسي سعيد ه وداخلي حزن مكنون

أول تبادلني الغﻼ‌ ماتغليت
واليوم عندك يرخص الحب ويهون

مدري زعل ياصاحبي يومك ابطيت
عن صاحب يحفظ الحب ويصون

ابشر خفوقي قد نساكم وﻻ‌قيت
شخص وفي صادق الحب مزيون

مليت تعذيبك وانا منك مليت
وشلون اسامح جارح القلب وشلون

من عقب ماني في غيابك تهنيت
تبغاني ارجع للحزن انت مجنون

وين انت يوم اني نخيتك وناديت
توه طلع لك ,, سمع واحساس وعيون

تدري به امر واحد فيك حبيت
ويمكن علشانه صرت لك حيل ممنون

انا عزفت القصيد عقبك ورديت

واصبحت اكتب شعر والناس يقرون