المسك
 

http://i.imgur.com/TB8lR.jpg

شفتك على كتاف الرجاجيل نايم
وشفتك مغطى بالعلم قلت بردان


يبه هو حزني داخل القلب حايم
قلت أشعل دموعي وأخليك دفيان


صوتي يبه من بين الأحزان عايم
لو أصرخه تهتز من حولي جدران


أخاف تقعد يا يبه وانت صايم
وإنت قلت قعدني على صوت الآذان


تعبان ؟؟ تعبان أدري والتعب فيك دايم
تفرش ضلوعك حب وتكون تعبان


للحين جسمك فوق الأكتاف نايم ؟
وانت الذي قامت على أكتافك أوطان


إنت العزيمه لي حكوا بالعزايم
يا ما شعلت النور في ليل الأحزان


حتى الرمل في دفنتك صار هايم
من كثر ما وجهك يشع نور وإيمان


تنزل في قبرك والدعاء فوق قايم
كل الاوادم صاروا قلوب ولسان


يالله يالله ترحم منهو طفا الظلايم
اللي شعل عمره وسط عمر الإنسان



http://i.imgur.com/DCmfw.jpg
إلى جنات الخلد يا جابر الخير

رد: المسك
 

يسلمو الغالي
على وضعك هذه الكلمات الجميلة ويعطيك ألف عافية

رد: المسك
 

رد: المسك
 

رد: المسك
 

رد: المسك
 

رد: المسك
 

شكرا القلب الحزين