منتدى الخليج - ترى القهر والضيم والضيق والهم ... والغم والظلم القوي والغبينه

تـرى الـقـهـر والـضـيـم والضيق والهم
والـغــم والـظــلــم الــقــوي والـغــبــينه

سـبـعـة وانـا واحــد وبـســيــوفـهـم سـم
ثـم بـاغـتــوني بـالــطــعـــون الـلـعــينه

راحــوا ولــون سـيـوفـهـم حــمــرة الدم
وانـا الـجــريــح اللي مـشـوا تـاركــينه

رغـم الـنــهـار الــكـون بـعـيـوني أظـلـم
وما عـاد اشـوف الا الـجـروح الـثـخـينه

أزحـف واكــابــد وآتــصـبّـر على الـغـم
واســمــع صــدى قـلـبي وجــرّة ونــينه

أزحـــف على كـوعي عـــشــان اتــقــدم
وغـاب الـوعي مـن يـوم شـفـت المدينه

وصحيت من صوتـن سـمـعـتـه يـتـمـتـم
واسـكَــت بـعــد عـيـني تـلاقـت بـعــينه

ثـم ابـتــدا يــشــرح بــعـــد مــا تــبــسـم
عـن حـالـتي واســعــافــهـا مـع عــوينه

شـكــرتـه لــمــعـــروفـه وقـلــت يـا عـم
داويـتـني واســعــفــت روحـن سـجــينه

قل لي وش اسمك بامرك اصبحت مهتم
ودي اجــازي طــيــبــتـك بـالـحـــســينه

من يـجـزي المعروف بالـطـيـب يـغـنـم
والـطـــيـــب راع الاولـــه في يــمـــينه

قـال : الـصـبـر صـاحـبـك الاول ويسلم
اللي لــقــــاك وخـــيـــرنــا مـن يـــدينه

وانا الـرضـا ، للــعــاني ارويه مـن جم
والـحـلـم غـيـثـن لـلــقــلـــوب الـحـزينه

وهـذا الأمـل مـركـب على سـاحـل الـيم
يـنـجـي الــذي روحــه لــيَـاســه خـدينه

قلت الـزمــن بـحـرن وسـيـعــن ومحكم
ولا هــاجـت امـواجـه تـزيـل الـسـكـينه

الــمــوج لــو انـه عــلـــيــنــا تــحــكــم
اللي ركــب وابـحــر عسى الله يـعـــينه

وقـت الـشـدايـد والـمـصــايــب يـحــتّـم
وجـودكـم يـاهـل الـحـصــون الحصينه

مـن اتــخــذكــم صـحــبــتـن مـا تـنــدم
مـن لــوعـة الـمـاضي وغـدرا سـنــينه

تـرى الـرضا والـصـبـر والثـالث الحلم
عـونـن على السبعة ، دروعـن مــتــينه

ويالله يـا رب الــمــخــالــيـــق الاكــرم
باسـمــك نبي نـرفـع شـراع الـســفــينه

.. عقاب بن ممدوح المرزوقي ..

.. ابن شاعر الثقلين ..