منتدى الخليج - قصه تبين أختلاف النساء

قصة محمد بن فهيد الروقي (وهو شيخ قبيلة ألأساعده من الروقه)

مع زوجته مطيره الشمريه

تـوجه الشيخ محمد بن فهـيد الروقي العتيبي في أحد غزواته وفى الطريق جلس هو وأخويـاه لتناول الغداء وكان غداهـم عباره عن قرص مـدهون بالـسمن وكان بقربـهم إمرأه ترعى حالها لايعرفونهـا قدمـوا لـها قطـعه من القرص ولكن رفضتـها فتـركوا لهـا القطـعه على الشـجره وذهبـوا وبعد شـهر رجـعوا من نفـس الطريـق ووجدوا قطـعة الخبـزه فى مكانـها لم تلمسـها فتعجب ابن فهيـد من أمرها وكيف شـامة نفسـها مما يدل على انهـا من بيت رفيـع فسـأل عنهـا فـأخبروه انهـا بنت بن سبيـله من عبـده من قبيلـة شمر فخطبها وتزوجهـا وبعد الزواج ولاها كل امور الطعام والضيافه...وفي يوم من الايام لفـى عليه ابن سلـيم من عـنزه ومعه خمسين رجال فجلس معـهم طيلة الوقت لم يتحرك صاحب الدار من مكانه حتى قلط الغداء... وبعدعامين مر ابن سلـيم ومعه خمسـه من الرجال على ابن فهـيد ولـكن ابن فهيد على غير عادته فكان يجلس عندهم ثم يذهب الى داخل الدار ويرجع يجلس شوي ويذهب الى داخل الدار وبعد ان اكرمهم قال ابن سليم يابن فهيد انت مختلف عن أول كنت فى السابق تجلس ولا تقوم من مكانك حتى تقلط ضيوفك والان كل شوي تدخل وترجع وش السبب..قال ابن فهيد أنا اقولك زوجتي السـابقه توفت وزوجتي الثانيه ما تعرف تدبير البيت الا لما اقولها سوي كذا ومن ثم

انشد هذه القصيده:
أطلب عسى الجنـه منـازل "مطيـره = حيث انْ بها طبع ٍ على البِيض ما صار
ما معجبن زينـه ولـو هـي نظيـره = قصدي تنومسني الـى جَـون خطّـار
مع زينهـا الوافـي بهـا زود سِيـره = دبْره وعـرْف وكـل شـي ٍ بمقـدار
لا جَو على هجْن ٍ من ارض الجزيره = تعومسـوا عنْهـم ردييِّـن الاشــوار
إنْ جيـت للمطبـخ الـى فيـه نِيـره = تلقى الحطب عنده تقـل شغـل نجّـار
ماهـي مثـل هالدعلـه المستـديـره = يجي العتيم وطامي القـدر مـا فـار
يا دْلاك وين اللـي خطاهـا قصيـره = من جيّته ما هـي بتطلـع مـن الـدار
يا عنْـك مـا يسمـع نباهـا قصيـره = وْلا قط شفت الغيض منهـا والاكـدار
إلاّ ومـعْ قصْـرة اخطاهـا ستـيـره = جتنا وراحت ما سمع صوتهـا الجـار

منقول