منتدى الخليج - الحب الاول صعب نسيان راعيه

منتدى الخليج (https://kleej.com/vb/index.php)

- - الحب الاول صعب نسيان راعيه (https://kleej.com/vb/showthread.php?t=57729)

الحب الاول صعب نسيان راعيه

اقول بنسى واحسب اني نسيته
.............................. الحب الاول صعب نسيان راعيه

عانيت في بعده كثر ماهويته
.............................. لااحتلت في قربه ولاني بناسيه

لو اني اقدر جيته كان جيته
.............................. اللي بقولـه آآآه ويلي على أجيه

بس البلا اني كل ماجيت بيته
.............................. آخذ ثلاث ايام مدري شــ/انـا فيه

ليل ونهار وليل واللي قفيته
.............................. وانا مابين اسمه ورقمه وطاريه

الله عطاني من غلاه وعطيته
.............................. وغيره بغى مني ولانيب معطيه

قالو هويته قلت ايه هويته
.............................. قالو تركته قلت ماني مخليه

له منزل في وسط روحي بنيته
.............................. جدرانه ضلوعي وهو ساكن فيه

دورت له بين الضلوع ولقيته
.............................. خلف الضلوع يبين ماطا خطاويه

واليوم لااحتجت اللقا مااحتريته
.............................. حتى اثره من بين الاضلاع ماحيه

ياجعل يسقى عادني لابغيته
.............................. يغفى على ضلعين صدري واصحيه

مافيه شخص في حياتي بكيته
.............................. الا الذي قد مات مانيب راجيه

لكن هو حي ومع ذا رثيته
............................. من قلبي اللي احسن الله تعازيه

حملت قلبي بالهموم ورجيته
............................. كني مااعرف الا غيابه واحاتيه

اقول بنسى واثرني مانسيته
.............................. الحب الاول صعب نسيان راعيه