منتدى الخليج

منتدى الخليج (https://kleej.com/vb/index.php)
-   قسم الشعر والخواطر والقصائد المسموعة (https://kleej.com/vb/forumdisplay.php?f=23)
-   -   عمر البحر ماشال هم السفينه ؛؛ (https://kleej.com/vb/showthread.php?t=56701)

همسه غلا 11-14-2011 11:35 AM

عمر البحر ماشال هم السفينه ؛؛
 



من طبعي ارد الإساءهـ بالاحسان..

وأساير ظروف الزمان اللعينه ..



وأطوف الغلطهـ من فلان ..وفلان..
يعني من أجل عين تكرم مدينه ..



الكامل الله والخطا طبع الانسان..
والدرب يفرق عن يسارهـ ويمينهـ ..


و الصاحب ا للي لـهـ معزهـ ولهـ شان..
ان جاني بـشينهـ.. تذكرت زينهـ ..

اتحمل اخطاءهـ معي قدر الأمكان ..
من جانبي تبقى العلاقهـ متينه..




واللي يغلطني وانا ماني بغلطان..
اصابعي احطها وسط عينه ..




مادامني مسلم وفي قلبي إيمان..
عمر البحر ماشال هم السفينه ..

مرت علي انواع واشكال وألوان..
بين العقول الناقصهـ .. والرزينه..



عندي قناعه ان الإنسان ممكن يعمل عمل الشيطان..
اذا يهينكـ لازم انك تهينـهـ ..


يعني اذا حاجتكـ بيدين عدوان ..
يكفيكـ شر المهزلهـ .. والغبينـه..



من كثر ماجاني من الناس خذلان..
تحرجني حتى كلمة الله يعينه..




صحيح لي ربع وجماعهـ وخلان ..
وأضيق لكن حاجة الناس.. شينه..




الشخص دام انه بكل شي خسران..
تأكد انهآ من عمايل يدينهـ ..




من مرحلة حب ومشاعر وحرمان..
إن مالعنت الحب تلعـــنهـ سنينهـ ..



اكتب شعر واعزف من اشواقي الحــآن..
واسلي قلوب الغرام الحزينـهـ ..


ولو الشعر مخلوق في هيئة انسان ..
والله لأقول له تسلم واقبل جبينه..


نوف 11-14-2011 11:47 AM

رد: عمر البحر ماشال هم السفينه ؛؛
 
شكرآ ع الكلمات الحلوهـ
ويعطيج الف عافية

القلب 11-14-2011 11:49 AM

رد: عمر البحر ماشال هم السفينه ؛؛
 
يسلمو همسه غلا
على أختيارك هذه الكلمات الرائعة ويعطيك ألف عافية

الحر الاشقر 11-14-2011 12:15 PM

رد: عمر البحر ماشال هم السفينه ؛؛
 
كلمات كلها حكم
تسلم يمينك همسة غلا ع الاختيار الرائع

همسه غلا 11-14-2011 12:18 PM

رد: عمر البحر ماشال هم السفينه ؛؛
 
اسعدني مروركم
منورين

عذب الخواطر 11-14-2011 12:54 PM

رد: عمر البحر ماشال هم السفينه ؛؛
 
سموتي همسة غلا
مشكورة عالكلمات الجميلة
تقبلي مروري المتواضع

همسه غلا 11-14-2011 06:18 PM

رد: عمر البحر ماشال هم السفينه ؛؛
 
يسلموو ع المرور


 

جميع الحقوق محفوظة لـ منتدى الخليج - © Kleej.com

( 2007 - 2025 )


جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى