منتدى الخليج - هذي حياتي يوم مع عضو\هـ

صباح البسمات والنسمات الجميله وروايح الخزامي لأحلى أعضاء

http://www.nsaayat.com/up/uploads/nsaayatf9a7adaa42.gif

الاسم : .........

المواليد : 3 / 12 / 1985

المؤهل الدراسي : جامعيه تخصص رياض أطفال

http://www.nsaayat.com/up/uploads/nsaayatf9a7adaa42.gif

نبذه عني :

أحب الهدوء بكل حالاته
حساسه لأبعد الحدود وفي كثير من الأحيان أفسر الأمور وأوِّلها على إنها عني وفي محيطي حتى لو ما كنت المقصوده ( وهالطبع مو زين أدري :158: )
حنونه وطيبه لأبعد الحدود بشهادة من حولي ودمعتي قريبه جداًّ
خدومــه أحب أساعد الكل بدون استثناء
معتده برأيي وقناعاتي ما أغيرها إلا بمزاجي مو بفرض من أي شخص بالعربي عنيده
مبذّره ما أحسب حساب للزمن أعيش ليومي
دقيقه في أغلب الأمور
بيتوتيه ما أحب الطلعات وإذا طلعت يا إني أقضي شغلي أو طلعه عائليه مع خواتي وعيالهم بس أعشق السفر بشكل مو طبيعي ...

http://www.nsaayat.com/up/uploads/nsaayatf9a7adaa42.gif

روتيني اليومي :

طبعاً مالي روتين ثابت فالروتين متقلب على حسب الموود وعلى حسب الظروف خصوصاً بعد ما هجيت من التربيه ونفذت بجلدي :thank: الروتين تغير بالكامل

بالفتره الأخيره روتيني كالآتي :

إذا ما كنت سهرانه ومواصله أصحى حق صلاة الفجر أصلي وأقرا أذكار الصباح وأقعد ما أنام وإذا ما نمت تشوفوني أحوس بين أروقة المنتدى :kather:
وساعات أرجع أنام وأصحى الساعه سبع وشويات أدخل المنتدى وأحوس بالأقسام ما أتريق أنطر زوجة أخوي تودي عيالها المدارس وبعدين أتريق معاها :20:
أقعد تحت شوي أقرا الجريده وأرد أجابل المنتدى وبعدين لما تصحى أمي الله يحفظها أقعد وياها وهي تتريق ونسولف شوي وتروح تصلي الضحى وانا أرد عالمنتدى :latkather:
وأغلب وقتي يكون اهني إذا عندي أشغال أطلع أقضيها الصبح وساعات إذا كانت زوجة أخوي مشغوله وبتطلع أطبخ الغدا بدالها :ahem2:
وبعدين الظهر أتغدى وهالشي نادر إذا ما كنت بتغدى آخذ لي قيلوله قبل الدوام وإن ما خذيتها كملت بالمنتدى لغاية وقت الدوام طبعاً أصلي العصر وأتجهز حق دوامي
من الساعه 4.30 العصر لغاية 8.30 وانا بالدوام أغلب شي أكون فاضيه فيكون أغلب وقتي بالمنتدى بعدين أرد البيت عالتسع
وأول شي أسويه أسأل عن أمي وأدورها :yab3dhum: وأروح أقعد معاها شويات لحد ما تنام لأنها هاليومين تنام مبجر
أتعشى بروحي لأنهم يتعشون وانا بالدوام :frown: وبهالحاله أجبر مرت اخوي على انها تقعد معاي :139:
وساعات أدرس عيال أخوي بهالوقت إذا في شي مو فاهمينه وبعدها أصعد غرفتي تقريباً عالــ 11 وأجابل المنتدى لغاية ما أحس اني قفلت أسكر لابي وأصلي الشفع والوتر
وأروح على فراشي
هذا بالأيام العاديه
أما الخميس والجمعه تكون يمعة خواتي
اللي يختلف بروتيني إني بعد ما أطلع من الدوام يا إني أقعد معاهم أو نطلع نتعشى بره

http://www.nsaayat.com/up/uploads/nsaayatf9a7adaa42.gif

:soorry: عالروتين الممل
وشكراً حبيبتي همسه على اختيارج لي
كلي حبور باستفتاح موضوعج :144: