منتدى الخليج - لبيه يا روح الغلا قل وش فيك

منتدى الخليج (https://kleej.com/vb/index.php)

- - لبيه يا روح الغلا قل وش فيك (https://kleej.com/vb/showthread.php?t=53829)

لبيه يا روح الغلا قل وش فيك

لبِّيه يـا روح الغلا قل وش فـيك
هات الـوجع يـا روح روحـي بشيله

عطني الوجع خل يحترق صدر مغليك
و لا يشـتكـي صدرك مـن الآه ليله

خلِّني معك في كـل شي حواليك
مشاعري بالحب مــا هــي قليـلـه

هات الوجع ما دامت إيدي على ايديـك
الصَّد مُـوجـع واللَّيالي بخـيلـه

قلِّي وش اللَّي فيك يا عل مـا ابكيـك
يا أعـز خِـلٍّ صار غـايـة خليْله

مـثـل التلـعـثم كل ما قـلت أبحكيك
ومـثل السَّـحاب إلْيــا تحدَّر بسـيلـه

ومـثل الـفــرج لا ضـيـقـتك التهاليك
ومـثل الأصالـه في عـيون الْأصيـله

لَـبِّـيْــه من واقع مشـاعر تراعيك
ولَـبَّـيْــه يا ضل الخـفوق ومقـيلـه

أرضيك إي والله وشـلون مـا ارضيك
وانـت الخيال اللي خفـوقـي يخيلـه

اوصد عيوني في عـيـونك وخليك
واترك خفوقي يحصد اللّي بقـيله