منتدى الخليج - عطني ملامح عينك وخل السوالـف والكلام

http://www.q8boy.com/images/hlidl9boib02ttgt4kx.gif

http://www.neilshare.com/upfiles/jrf13465.jpg

عطني ملامح عينك وخـل السوالـف والكـلام

مادام محرج لايهمك تكفي نظرات العيون

العين ما تكذب ومنهـا ينكشـف سـر الغـرام

طفل ٍ ما يقدر يكتم أسراره عن اللـي يسألـون

لا قلت لك تحبنـي؟ أسمـع كلامـي بإنسجـام

وان قلت لك مشتاق لي ؟ جاوبني بسحر الجفون

أموت باللي يستحي حتى على رد السـلام

على كثر شوقه .. يحس انه عليّه مـا يمـون

وأموت باللي لا حكى يسبـق حكاويـه إبتسـام

يعطيني من برقه قبل يعطيني من غر المـزون

حبيت من حبـك مشاويـري وحبيـت الـدوام

فيك اختلف رتم الحياة وصار له طعـم ٍ ولـون

ما همني بكرة ولا فكرت بالماضـي .. مـادام

انك معي وأبادلك حبك ،، يكـون اللـي يكـون

ارقد على دقات قلب ٍ يحتفـل خلـف السجـون

مشاعري من لهفتي تجري عليـك بـلا نظـام

لها ليالي تزدحـم فـي قلبـي وجاهـا جنـون

خلني أعبّر لك عن أشواقـي وحبـي والهيـام

وأعطيك شي ٍ مـا قـدرت أوصّلـه بالتيلفـون

بـقبّل عيونك وأشـم أنفاسـك العطـرة وأنـام

الين أحس إني أهيم بـكون والعالـم بـكـون

أجمل محبه بالهـوى حـب البلابـل والحمـام

يضمهم عش الهنا طول العمر فـوق الغصـون

وأبشع محبه بالهوى حـب ٍ ترعـرع بالظـلام

قصة تدور أحداثها من يسبـق الثانـي يخـون

لا تزعجك دنيا التحايـل والخديعـة والخصـام

لا تبعدك منـي ومـن محبتـي شـك وظنـون

أنته بدايات الغـلا وأنتـه بعـد مسـك الختـام

يعني معك في عالم العشاق أكون أو لا أكـون

http://www.q8boy.com/images/kfxurbcotrok0bw7fu60.gif