ياعين .. يلي بـ المدامع كريمه
وياصدري الي للتنهات .. مدهال
وش حيلتي .. دام الخساير وخيمه
مالي جدا .. غير البكى .. عند الاطلال

يشتاقلي .. لاغبت عنه ثواني
وكن الثواني في غيابه .. جفى عام


من وين مالدت عيونه .. لقاني
وان مالقاني .. يقضي الليل بوهام


هذي علوم الأمس .. شوق , وتهاني
واليوم فرقى .. نكسّت كل الاعلام


من غاب .. والفرقى تدك المحاني
ولا زالت عيوني على شوفه حيام


أقولها .. والشوق .. جمره كواني
أقولها .. والضيق .. مسْهرني أيام


ياوجد حالي كان طيفه لفاني
وجد العجوز الي لها ( عشرة ) أيتام


من ضيقتي .. كل شي حولي .. بكاني !
ياضيقتي .. لا هنتي شوّي .. بـ نام


وان ضاقت الدنيا .. بوجه [ الأماني ] !
على [ الأمل ] عايش ! .. ولوّ كلها أحلام