منتدى الخليج

منتدى الخليج (https://kleej.com/vb/index.php)
-   قسم الشعر والخواطر والقصائد المسموعة (https://kleej.com/vb/forumdisplay.php?f=23)
-   -   مشكلة (https://kleej.com/vb/showthread.php?t=46433)

كنز الغلا 04-17-2011 03:23 AM

مشكلة
 


http://i205.photobucket.com/albums/b...%20them/f9.gif


مشكله لاصرت كاتم جرحٍ ومحدٍ بك درى
لو خفيته وسط قلبك تفضح الجرح العيون
ومشكله لومابقى لك شي واحد تخسره
من بعد ذيك الخساره كل شي عندك يهون

مابقى فالدنيا هذي شي واحد آخسره
من بعد ما آنا خسرتك كل شي بعدك يهون
والله لو اخسر حياتي من بعد حبك ترى
عادي جداً ياحبيبي خل يكون اللي يكون

ليه عايش والله مدري ليه عايش ياترى
وانا كل مافيني ميت حتى مدري من أكون
من آنا وين المشاعر وين إحساسي سرى
وين حبي وين شوقي وين ودي والشجون

وين ذاك الطايش اللي باع فالدنيا وشرى
وين ذيك الشاعريه وين كل ذاك الجنون
وين قلبي مدري وينه وش حصله وش جرى
أذكر انه كان طيب مخلص لوافي وحنون

مدري والله لونسيته او بعدني اذكره
راح وخلاني لحالي بين هذي الطعون
كل شي فالدنيا يبرى الا جرحي مابرى
كل مال للجرح يكبر كم بداري كم بصون

مشكله لاصرت كاتم جرحٍ ومحدٍ بك درى
لو خفيته وسط قلبك تفضح الجرح العيون
ماكتمت الجرح خوف ولا كتمته مكابره
والا خايف من الشماته والاخايف من الظنون

والله ماهمني الحكي والا الضحك والمصخره
اللي يحكي خله يحكي واللي يجرحني يمون
كل من يحكي عليه من ورايه اعذره
وصرت أستغرب من اللي من ورايا يسكتون

آشكر كل من قال عني آي حاجه آشكره
المهم إنه تكلم والحكي اصلاً فنون
تكسب اي انسان ممكن بالحكي او تخسره
والحياه كسب وخساره كيفهم خل يخسرون

فرصه جتكم يالعواذل واستغلوها ترى
الحياه فرصه واذا راحت عليكم تندمون

صرت أشك حتى بنفسي بعد كل اللي جرى
وصرت اشك اكثر بعد بلي أمامي يضحكون
مااثق بأقرب قريب ولو هوعمله نادره
والله ماهمني لو انهم من كلامي يزعلون

مابقى فقلبي محل لا للزعل والا الشره
اللي يزعل خله يزعل واللي يشره يشرهون
يزعلون او يشرهون مااحس مااسمع ماارى
مابفتكر فيهم أبد لو يشرهون ويزعلون

مايهمني من يحبني ومايهمني من كره
دام عمري صار ماله ريحه اوطعم ولون
والله ضحكني كلامٍ في شفاةٍ حايره
يوم قالو العفو في المقدره دايم يكون

روح ياعمي دخيلك أي عفو أي مقدره
هو بقى فيها عفو أو مقدره لاياحنون
لاتظن هذا الحكي يومي ااقوله مفاخره
لاوربي بس هذا الواقع اللي توصفون

لاحشى لاماا ابالغ اوكلامي بهتره
هذا هو الحق لوإنكم تبون او ماتبون
حكمه وحده في حياتي واعتبرها صادره
من تجارب شخص عانى بس مدري من يكون

العدو لا لا تخافه في يوم والا تحذره
خاف واحذر من حبيبٍ او قريبٍ لك يصون
العدو لا مايخونك من أمامك تنظره
والحبايب والقرايب من ورى ظهرك تخون

واللي يفاجئك بغدر لا تحاول إنك تغدره
أسكت وخله فناره خل تذبحه الظنون
والله لو تسكت بيجن ويثور وأنت بتقهره
والانتقام اصلاً حلاته بكل هدوء اعصاب يكون

ماكذب من قال ان الدنيا هذي مغامره
والبطل في كل قصه يضيع مابين الظنون
يايموت ويايعيش بهم دوم يحاصره
نادر اللي في نهاية كل قصه يهتنون

وش بقى لي من حياتي راح عمري اكثره
بين جرح وبين هم وبين غم كله بسكون
وهذي الحاله ولامن شاف ولابه من درى
والبشر من طبعهم فالدنيا دايم يلتهون

ضيم في قلبي وروحي صرت والله ما اقدره
ماروى ضيمي نهر والا بحر والا مزون
ليه احس إني ياعالم صرت اعيش بمقبره
كني لحالي معنكم تسرحون وتمرحون

صرت انال الناس اشكي عن همومي أشكره
وأنا عمري ماشكيت لحد عن هم وطعون
والشاطر اللي يفهم لشعري ومابين أسطره
بس ياحسافه وين راحو ناس كانو يفهمون

باقي في قلبي كثير أشياء بس المعذره
لو بعبر عن شعوري خايف إنكم تزعلون
بإختصار الجرح جرح كان أكبره والا أصغره
الحزن في القلب لاتغتر من ضحك السنون


مشكله لاصرت كاتم جرحٍ ومحدٍ بك درى
لو خفيته وسط قلبك تفضح الجرح العيون
ومشكله لومابقى لك شي واحد تخسره
من بعد ذيك الخساره كل شي عندك يهون
http://i205.photobucket.com/albums/b...%20them/f9.gif


بدون عنوان 04-17-2011 04:51 AM

رد: مشكلة
 
مشكورة كنز الغلا على القصيدة الرائعه
يعطيك العافيه على الطرح
تقبلي مروري
http://www.almlf.com/get-3-2011-almlf_com_kh76xg6g.gif

القلب 04-17-2011 07:02 AM

رد: مشكلة
 
يسلمو كنز الغلا
على وضعك هذه القصيدة الرائعة ويعطيك ألف عافية

الدكتور 04-17-2011 09:02 AM

رد: مشكلة
 
شكرآ على المقطع يعافيك ربي

ام صهيب 04-17-2011 09:30 AM

رد: مشكلة
 
اختي /كنز الغلا
بارك الله فيك

كلمات القصيدة رائعة
بانتظارجديدك

الوتين .. 04-17-2011 10:58 AM

رد: مشكلة
 
كنز الغلا
يسلمو على طرح القصيدة الجميلة
وربي يعطيك ألف عافية

جنوبيه 04-17-2011 11:26 AM

رد: مشكلة
 

كنزالغلا
يعطيكـ الفـ عافيهـ عـ القصيدهـ الرائعهـ
دمتيـ فيـ رعاية اللهـ وحفظهـ
تحياتيـ لكيـ

http://up.2sw2r.com/upfiles/nmD26878.gif


 

جميع الحقوق محفوظة لـ منتدى الخليج - © Kleej.com

( 2007 - 2025 )


جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى