|
لا تنصحني ما الك شغل فيني !!!
السلام عليكم ورحمة الله وبركاته مدخل قال صلى الله عليه وسلم: (الدين النصيحة). قالوا: لمن يا رسول الله؟ قال: (لله ولكتابه ولرسوله ولأئمة المسلمين وعامتهم) [متفق عليه] مؤخرا وللأسف الشديد أصبح جل الناس باختلاف أعمارهم لا يتقبلون النصيحة، إذا نصحتهم كأنك شتمتهم !!! والبعض الآخر يرجع لك الكلام مباشرة، ويضربه في وجهك، بكلام جارح، ما الك شغل فيني ولا أحب انك تتدخل في اموري ويقطع علاقته معاك معقوووولة وصلنا إلى هذا الحد !!! مخرج وما أجمل قول الإمام الشافعي: تَغَمَّدَني بنُصْحِــكَ فــي انفـــِرادِي وجَنِّبْنِــي النصيحــةَ فِــي الجَمَاعةْ فـإنَّ النُّصْــحَ بَيـْـن النــاسِ نـــوعٌ مــن التـَّوْبيخ لا أَرْضَى اســتِمَـاعَه أنتم هل تتقبلون النصيحة من الآخرين ، وهل تنصحون غيركم أم تقولون ماخصني، إذا كان في النصيحة استهزاء واستخفاف بشخصكم الكريم، وش تسووون ياترى؟؟؟ انتظر ردودكم ونقاشكم لكم ودي |
رد: لا تنصحني ما الك شغل فيني !!!
النصيحه لازم تكون بانفراد وليس امام الناس والشافعي اختصرها في ابياته تَغَمَّدَني بنُصْحِــكَ فــي انفـــِرادِي وجَنِّبْنِــي النصيحــةَ فِــي الجَمَاعةْ فـإنَّ النُّصْــحَ بَيـْـن النــاسِ نـــوعٌ مــن التـَّوْبيخ لا أَرْضَى اســتِمَـاعَه وفي البعض ينصح لكن بطريقه همجيه تنفر الواحد منه وان كان على صواب تسلمين اختي على الموضوع يعطيج العافية |
رد: لا تنصحني ما الك شغل فيني !!!
أنتم هل تتقبلون النصيحة من الآخرين ،
ممكن أتقبلها في حاله وحده .. لما أكون أعرف الشخص اللي ينصحني وبيننا ميانه لدرجة إني أتقبل منه أي شي يقوله.. مو كذا يجي ينصحني وأنا مااعرفه .. وهل تنصحون غيركم أم تقولون ماخصني، نفس الجواب اللي فوق لكن العكس .. أنصح اللي أعرفه واللي يهمني أمره فقط لاغير .. إذا كان في النصيحة استهزاء واستخفاف بشخصكم الكريم، وش تسووون ياترى؟؟؟ بستحقر الشخص اللي يستخف فيني وأمشي ولا كأني سمعته .. همسة غلا تسلمين على طرح الاسئله وربي يعطيك ألف عافيه |
رد: لا تنصحني ما الك شغل فيني !!!
أنتم هل تتقبلون النصيحة من الآخرين ،
نعم اقبلها لكن بطريقه مهذبه وهل تنصحون غيركم أم تقولون ماخصني، اكيد انصح وبطريقه حلوه خاليه من الأحراجات إذا كان في النصيحة استهزاء واستخفاف بشخصكم الكريم، وش تسووون ياترى؟؟؟ اكيد بستحقره بس الأكيد كلامه ماراح يأثر فيني |
رد: لا تنصحني ما الك شغل فيني !!!
يسلموو ع المرور
|
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
