منتدى الخليج - كونكرد صمموها صانعين الذره

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - كونكرد صمموها صانعين الذره (https://kleej.com/vb/showthread.php?t=33747)

كونكرد صمموها صانعين الذره

فر قلبي فرت اللي فالهوى مفتره
مايوردها علياني ولا جفالي
كونكوردٍ صمموها صانعين الذره
واستعدت تطوي الأمتار والأميالي
في قيادة كبتنٍ تصميمها ما غره
ايتفنن في قيادتها بدون أشكالي
فرها فوق المدرج مرتين ومره
لين عرض جنبها صفق الهبوب العالي
وجر قلبي جر قوسٍ في يد اللي جره
يوم جاز اله الحن والراس ما هو خالي
مايشوف من السماء لو كان كبر الذره
نايشه ضيم الزمان وفاقدٍ له غالي
الفراق اكبر مصيبة والجفياء مره
تهدم الظن الكبير وتوجع الرجالي
مثل ما شفت الجفاء فعيونه المحمره
مثل قولت روح في فالك وانا في فالي
لا تذكرني اليا احرقك الزمان بحره
وانس حتى سنترال البيت والجوالي
وانس فزعاتٍ توسع خاطرك وتسره
يوم تنخاني واطوّح غترتي وعقالي
هب يا هذا الزمان الله يكافي شره
بعد كان البرق برقي والخيال خيالي

سلطان الهاجري