|
يابنت بالك لايغرك شياطين
السلام عليكم ورحمه الله وبركاته صباح/ مساء الشعر ابيات رآقت لي و اتمنى ان ترتقي لذائقتكم يابنت بالك لايغرك شياطين حذراك لايغرك كلام الذيابه يقول أحبك وأعشقك موت تدرين أموت بك ياشوق شوق الكتابه ويقصلك قصة حياة المحبين ، يقول أحبك وانتظر منك أجابه ويفرشلك الورد الاحمر والبساتين ، ، ويعطيك من حلو الكلام بذرابه والله يخسي ولد مطي لاتصدقين ،، ملعون خايب يخزن السم نابه تكفين ثم تكفين يابنت تكفين ،، لاتدنسين اسمك ومنهو وفابه أخوك لامنه قعد بالدواوين ،، يقعد وراسه فوق فوق السحابه يابنت والله سمعتك فوق الاثنين ،، سمعتك من سمعة عرب لك قرابه سمعتك ثم سمعتك تسوى ملايين ،، ثم سمعتك ثم سمعتك والمهابه وان قال أحبك أفهمي وش تردين ،، قولي المحبه بالردى لي معابه وقوليله أهلي بالملاقا سلاطين ،، ودرب الدنس ياورع محدن مشابه هذا كلامي وقولي اللي تقولين ،، اللي يبيك يدل بيتك وبابه والخاتمه يابنت طعم العسل زين ،، مير البلا اليا دنسته الذبابه |
رد: يابنت بالك لايغرك شياطين
رووووووووووووووووعه
كلمات أقوى شي يسلموو ع الطرح يعطيك العافيه |
رد: يابنت بالك لايغرك شياطين
رووووعه
تسلمين خيتو ع الكلمات الراائعه والله يعطيك الف عافيه |
رد: يابنت بالك لايغرك شياطين
يابنيه عمر الحب مايبدأ بالخيانه والنفس بالعاده تعاف كل خّّوان اللـه خـلق الأنـسان وبالعقل زانـه وبـيّـن لـه طريق الحق والخسران والمبنى لو يـدوم مايدوم في مكانه وأسـاسـه يابنت خارب وتعبـان حـتى حـب هالأيام مايطّـول زمـانه واسـاسه معصيه تغضب الرحـمـن هـذا حـب اليوم وهـاذي أوطـانه هـذا يكذب ويقول انّه هيـمان وهـاذي مسـكينه بالحيـل هـيمانه وتقول متـى راح نصيـر عرسان انسـي سـيرة العرس وانسي زمـانه مـاأحدً يـأخذ أنسان قـد خان مادام خنـتي الثقة وخنتي الأمانـه ثـقـة أبـوك وأمـك والأخـوان والله لو قدمـتي المسـتحيلات عشـانه صعبـا يأخـذًأنسانه مالهاأمان تـدرين وهـو يدري أنـك غـلطانه والعاقل يرجــع لوكان غلطان ترضي يمـس شــرف أهـلك أهـانــه وشرف العزيز أغلى من الأوطان ﺇستغفري ربك وتوبـي ياأنـسانـه وأطـلبي من الله العفو الغفران ومابُني عالباطل الصحـيح بطّــلانه لو يطـول! مـايدوم هالبنيان ترى حب هالأيام مايــطّول زمـانه مـادام أسـاسه خارب وتـعبان / / / حبيت اشارك اخـــــــتي الغاليهـ الريم اللعوب صح لسانك وبيض الله وجهك وكثر الله من امثالك قصيده روعه وجميله وفيها نصائح دمتِ بحفظ الرحمن الرحيم |
رد: يابنت بالك لايغرك شياطين
تسلمون على المرور العطر
وتسلم نوآف على الاضافه الحلوة منك ارق التحايآ |
رد: يابنت بالك لايغرك شياطين
وقوليله أهلي بالملاقا سلاطين ،، ودرب الدنس ياورع محدن مشابه هذا كلامي وقولي اللي تقولين ،، اللي يبيك يدل بيتك وبابه صح لساانك مشكووره خيتوو ع الابياات الاكثر من الراائعه ويعطيك ألف عاافيه.. |
رد: يابنت بالك لايغرك شياطين
يسلمو الريم اللعوب
على وضعك هذه الكلمات الجميلة ويعطيك الف عافية |
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
