منتدى الخليج - غلاك ماعلمك تكسر تغليك وغلاي اثبت لي الوفا والشهامه

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

غلاك ماعلمك تكسر تغليك وغلاي اثبت لي الوفا والشهامه

غلآڪْ مآعّلِمڪْ تِڪْسّرٍ تِغلِيًڪْ وَغلآيً آثبتِ لِيً آلِوَفآ وَآلِشهآمه ..~

مابيك تستغرب إذا قلت مابيك
.. قلبي من اللي صار غيّر كلامه

تدري وش اللي حدني يوم اناديك
.. بودعك واقول مع السلامه

بودعك وانسى زمانك وماضيك
.. وداع من ذاق الجفا والملامه

لكنّ ودي أسألك قبل اخليك
.. وابيك تعطي للسؤال اهتمامه

في ذمتك وشلون غيرتني فيك ؟
.. وخليتني استغرب غلاك ونظامه

وانا عشانك كل ماتطلب يجيك
.. رفعتلك هامه و نزلت هامه

ما عاد لك في داخلي حيّ يبكيك
.. صدري قِبَر كل الحواس بعظامه

اغليك ؟ صح أنا اشهد إني كنت انا اغليك
.. والحين راس المال منك السلامه

لا تقول ليه وكيف وشلون وشفيك
.. ماضيك يعطيني لبكره علامه

ما ودي اضيّع حياتي بأياديك
.. دام إن من عزك تنزل مقامه

غلاك ماعلمك تكسر تغليك ؟
.. وغلاي اثبتلي الوفا والشهامه

كافي نضيع وقتنا في بلاويك
.. ما يِرجِع اللي راح كثر الندامه

وإن ضاقت الدنيا بزحمة طواريك ؟
.. الليل الأسود مايطول ظلامه

والحين تعرف ليه انا قلت مابيك ؟
.. و قلب ٍ يحبك ليه غير كلامه ؟

ودعتك الله لاتجيني ولا اجيك
.. ولاعاد تسأل خاطري وش علامه

ولا تنصدم في بسمتي يوم احاكيك
.. أحيان تلقى بــ الجريح ابتسامه

:::

رـإأإأقــــــــــــــــــت لي ..|~