منتدى الخليج - لك وعد مني يآيمه أني بضحك ..!!’

http://www.mlfati.net/uploads/images...4039e552e0.jpg

لا يا يمة ما بكيت !
كنت أمزح ..بس أمزح !
كانت النية وربي أدفن شحوبي ..
وأفرح !

وغارت الدمعة .. وطاحت !
ما قويت آردها ..يمه استحيت !

وانتي علّمتيني إني أروي اللي من وفاهم ما رويت !
يمّة ودموعي وفيّة ..دايم تذكرني بـ جرحي إن نسيت
هذا يمة ( إن نسيت ) !

عاد قولي لي ..هو بقى به شي واحد يستحق أبكي عليه ؟!
إلاّ يمّة .. هو أنا اللي استحق أبكي عليّه !
لا تقولي لي : غبيّة !
اضحكي للدنيا غنّي !

يمه يمكن ما دريتي .. إني دايم أرتوي بالدمع لامنّي ظميت !
إيييييييييه يمّه
أدري طفلة !

http://www.mlfati.net/uploads/images...4904dd1466.jpg

بس طفلة جابها للحزن جرحٍ متعِب ..وجدا ( مميت ) !
إي أنا كنّي نسيت .. إنّي أصلاً ما بكيت !
بس دمعي حيل اشتاق لـ كفوفي ..
وقمت آهدهد له وأقول :
( لا يشوفونك دخيلك ...
وإن شعرت إنّي بمرّك .. سو نفسك ما دريت !
" بشكرك " لامن عصيت ! )

وانتي يمّه :
لا يضيق بـ يوم صدرك لو هو استكثرني كذب!
و مرّني في يوم وآله !

لك وعد منّي يا يمّه ..إني بضحك

لو على جرحي غفيت

لو على جرحي غفيت

لو على جرحي غفيت !!.,’’

http://images.google.com.sa/url?sour...vBraid9Noq5hgw

•
•
•