منتدى الخليج

منتدى الخليج (https://kleej.com/vb/index.php)
-   قسم التعليم واللغات والقصص والروايات (https://kleej.com/vb/forumdisplay.php?f=24)
-   -   بنشدك نوره‏ (https://kleej.com/vb/showthread.php?t=25333)

سحاب 03-16-2010 08:14 AM

بنشدك نوره‏
 
بنشدك عن نور القمر وشلون نوره





قصه حقيقه حصلت في قريه قريبة من مدينة
الرياض في السعوديه
كان هناك شاب اسمه عايش
يعيش في هذه القريه وكان يحب بنت اسمها نوره في يوم
من الايام ذهب عايش لكي يخطب نوره ولكن ابو نوره
رفض لانه عايش كان على قد حاله وما عنده حلال
ولا عنده فلوس كثيره فشاف عايش نوره عقب ما طلع
من عند ابوها وقالها نوره انا راح يصير عندي فلوس
وراح اشتغل وراح ارجع اخطبك واتزوجك ونوره كانت
تحب عايش فوافقت انها تنتظره.سافر عايش الى منطقه
مرموقه في السعوديه وصار يشتغل في التجاره
ومرت الايام وصار عنده فلوس ورجع لقريته عشان
يطلب يد نوره من جديد ويتزوجها ولكن لما رجع القريه
تفاجى انه نوره تزوجت لانه ابوها اصر عليها انها تتزوج
وكان عندهم البنيه لازم تتزوج اذا جاها شاب قادر
على الزواج.وتفاجى ايضا انه ومو بس تزوجت
بل هاجرت الا مكان ثاني مع رجلها ولا احد من القريه
يعرف المكان.فقام صاحبنا عايش
وقال بيت شعر (ابنشدك عن نور القمر وشلون نوره) وقرر يسافر
ويدور على نوره. ومر على القريه الاوله وراح
وسلم على امير القريه وقاله انا عندي لغز
والي يجاوب عليه بعطيه كل حلالي فقاله الامير
وشو اللغز قال(ابنشدك عن نور القمر وشلون نوره؟) احد الجالسين
قال له ابيض واحد ثاني قاله اصفر وكل الاجوبه غلط
محد عرف حل اللغز.فسافر الى قريه ثانيه
وطرح عليهم نفس اللغز ومحد عرف الجواب
راح للقريه الثاله وكان تعبان من السفر فقالهم
انا عندي لغز والي يعرف يحله بعطيه كل حلالي
قالهم
(ابنشدك عن نور القمر وشلون نوره؟)
محد عرف الجواب فقالهم انا اليوم بنام عندكم
لاني تعبان والي يعرف الجواب يقوله لي الصبح
ومن بين الحضور كان زوج نوره موجود
فرجع للبيت وقالها نوره قالتله سم قال جانا اليوم
واحد خبل يقول عندي لغز والي يحله بعطيه مالي
وحلالي كله فقالتله قولي وشو اللغز
يمكن احله قالها(ابنشدك عن نور القمر وشلون نوره؟) فبتسمت
نوره وقالتله عرفت الجواب
قالها صدق قالتله قوله(مثل السمك في البحر وشلون عايش؟) فقام الصبح
رجل نوره وراح وقاله انا عرفت الجواب فقاله
وشو الجواب قاله(مثل السمك في البحر وشلون عايش؟) فبتسم عايش
وقاله هذا مالي وحلالي وسلملي على نوره

اتمنى ان تعجبكم

صمت الخواطر 03-16-2010 08:22 AM

قصـــة جمييييييلة ,,

بس شقاايل هي عرفت الاجاابة ؟؟

يعني من قبل هم متفقيين ع هالسؤاال وجواابه !! ,,

بس حلييله مااطلب شي الاا انه يسلم علييهاا ><..!!

الله يزييد من امثااله ,,

ومااشالله ع اراادته القوييه ,,

كل الشكر لك "يالبي انا" ع الطرح الرااائع ..

القلب 03-16-2010 11:34 AM

بصراحة قصة جميلة ورائعة
ويسلمو يالبي انا
على وضعك هذه القصة ويعطيك ألف عافية

كيان انسان 03-16-2010 11:49 AM

يسلموا على الطرح المتميز

من جد قصه تشد القراء

تقبل تحياتي

نوف 03-16-2010 02:57 PM

شكرآ ع القصه
ويعطيج العافية ع النقل

بدون عنوان 03-16-2010 03:05 PM

الله عليك يا لبى أنا
أتحفتنا بالقصة الجميلة

نور الشمس 03-16-2010 05:54 PM

القصة بجد روعة تسلم
الايادي يا البي انا
تحياتي نونو


 

جميع الحقوق محفوظة لـ منتدى الخليج - © Kleej.com

( 2007 - 2025 )


جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى