منتدى الخليج - علمني أبوي الحب في سلمنا عيب

فوق العشرين عمـري وأفـرق بيـن الـردى والطـيـب
..............فوق العشرين عمري... بس هموم قلبي كبيـره

أعـرف الحيـاء زيـن.. واعـرف بـعـد العـيـب
..............جذي رباني أبوي.. وكنـت بعينـه كبيـره

ايـه نعـم ابـوي ربانـي علـى الـعـز والطـيـب
..............أنا بنت أمير وابقى مثـل أبـوي أميـره

علمنـي أبـوي الوفـاء والإخــلاص والمواجـيـب
..............علمني مالعب لعبت غدر لو هي صغيـره

علمنـي أبـوي ماكـون لغلطـات غيـري رقـيـب
..............علمني حتى بالشعر كيف أبحر في تعابيره

وعلمنـي أبـوي إن ألحـب فـي سلمـنـا عـيـب
..............آآآه.. لو يدري انه بقلبي يشتعل سعيـره

آآآه.. لو يـدري إنـي بالحـب لـي جرحـاً عطيـب
..............آآآه.. لو يدري إن روحي بالحب خطيـرة

يايبـه أدري إنـك معـي مــا بخـلـت بالجـيـب
..............لأحشى.. حتى بعطفك معي يكفـي لديـره

يايبـه أدري انـك علمتنـي كـل أفـعـال الطـيـب
..............بس وش أسوي يايبه قلبي غـدا أسيـره

أعتـرف إنـي أحبـه ولاهمنـي كثـر العـذاريـب
..............يايبه أحبه.. وحبه بقلبي يشعشع نواويـره

هـو خـلـي يايـبـه.. وهــو أوفــاء حبـيـب
............لا قفى عن ناظري غدت روحـي كسيـره

تذبحنـي غيرتـه يايبـه.. ويزعـل لــو أغـيـب
..............حشى ما خونه ولا يهون عندي بيوم تقديره

وسامحنـي يايبـه أدري الحـب فـي سلمنـا عيـب
..................بس وش أسوي خلاااااص قلبـي أسيـره