منتدى الخليج

منتدى الخليج (https://kleej.com/vb/index.php)
-   قسم الشعر والخواطر والقصائد المسموعة (https://kleej.com/vb/forumdisplay.php?f=23)
-   -   ماهو بكفو الوقت حبك يمحيه (https://kleej.com/vb/showthread.php?t=18642)

الريم اللعوب 09-13-2009 11:02 PM

ماهو بكفو الوقت حبك يمحيه
 
http://dc02.arabsh.com/i/00210/03wdc4biijut.gif

السلام عليكم ورحمه الله وبركاته

رائعه من روائع محمد ابن فطيس المري

ماهـو بكفـو الوقـت حبـك يمحـيّـه
ياللي تخاف صـروف الايـام تمحـاه

ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه

حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه

حبـك علـى رملـة خفوقـي مواطيـه
ورياح عذلني عنك مـا تمسـح خطـاه

واللي يعـذل القلـب عـن درب غاليـه
الله بمـا يـبـلا الموالـيـف يـبـلاه

اخفيـه يابالفـيـت والـحـال يبـديـه
ادنـاة واحـد ينظـر الحـال يـقـراه

مخفيـه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه

قلب ٍ يحبـك والهـوى الـذرب ماليـه
كانـك مكذبنـي ؟؟ بعينـك تـحـلاه

شـرط ٍ تشوفـك فيـه منـت بحواليـه
ويمكن تشوف ديـار واماكـن ارعـاه

وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه

وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه

وبتشوف حصن ٍ عـج الاقـدار سافيـه
وبتشوف باقـي بيـت راعيـه خـلاه

لا تنزعـج هـذا خفـوقـي وباقـيـه
ولا تضايـق مـن تصـدع زوايــاه

قـد زلزلـه فرقـا وهـزت عراويـه
والله ستـر والحـظ عـانـه وعـافـاه

وكانه صلح لك واعجبـك زيـد تبنيـه
ابـنـه وجـهـز للمقابـيـل مبـنـاه

ابغيـك بـس مـن المفـارق تداريـه
وازهل من يـداري شعـورك ويـدراه

وحلـل وحـرم فيـه يابـرك بلاويـه
وحلّه وراع رضاي ورضاك ورضـاه

جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه

انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه

تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه

ولا انت ردك كل ما ادعيك.. (( لبيـه))
انشهـد ان منتـوا بفيعيـنـي اشـبـاه

منت بمع العالم ولا تقـول لـي.. ليـه
انت ادرى منـي وش جوابـي وفحـواه

كذيـه... ومـن الله يـازيـن والـيـه
واغلا طـروش القلـب ودواه مـن داه

الحلـم ياتينـي بـزولـك واراعـيـه
وفـي كـل حلـم اقـوم قبـل اتحفـاه

اعشق سميـك فـي البزاريـن وادعيـه
واقبـل خطـاه الـى اخطـا واتلـقـاه

واسمـك يروعنـي الـى مـر طاريـه
واحـب ملقـوف ٍ يسولـف وطــراه

وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه

حتى (توايـر) (موتـري) تلتفـت فيـه
تبغي تلـف ويستحـي العقـل والجـاه

وصلك يخيط الصـدر والبعـد يفريـه
ويابري حالـي كـان صديـت بريـاه

ويلي علـى ادري حبنـا ويـش تاليـه
وويلي على ادري وش ورى الغيب ويلاه

عشـان اشـوف اذا محبتـك ..ترفيـه
والله لا اقفي عنّـك....... واستغفـر الله


http://dc02.arabsh.com/i/00210/03wdc4biijut.gif

الذكريات 09-13-2009 11:21 PM

ويلي علـى ادري حبنـا ويـش تاليـه
وويلي على ادري وش ورى الغيب ويلاه

يسلمو ع الكلماات

العيون الباكيه 09-13-2009 11:27 PM

تسلمين خيتو ع كلمات عسل

مرره حلووه

والله يعطيك الف عافيه

نوف 09-14-2009 12:10 AM

ويلي علـى ادري حبنـا ويـش تاليـه
وويلي على ادري وش ورى الغيب ويلاه

عشـان اشـوف اذا محبتـك ..ترفيـه
والله لا اقفي عنّـك....... واستغفـر الله


روووعة احسنتى بالاختيار

ويعطيج العافية ع النقل

الظاهر بيبرس 09-14-2009 12:17 AM

بحر الرواسي

يسلمو على نقل هذه الكلمات الرائعة

ادامك ربي بخير وعافية

القلب 09-14-2009 01:35 AM


يسلمو الريم اللعوب
على نقلك هذه الكلمات الجميلة والرائعة
ويعطيك ألف عافية
وصح لسانه بن فطيس

كبرياء انثى 09-14-2009 04:12 AM

يسلموا ع اختيارك للكلمات
يعطيك الف عافيه

تحياتي


 

جميع الحقوق محفوظة لـ منتدى الخليج - © Kleej.com

( 2007 - 2025 )


جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى