اسجن من تري ان قلمة يعجبك
 

http://upload.traidnt.net/upfiles/Xh897176.gif


* *
أحبائي هذا هو [ السجن الأدبي ] ..
ليسَ كأي سِـجن ..,,
إعتـَبـِروه سِـجناً ثـقـافيـاً ..


سجن يـُجبـِرُكَ عَـلى ( القِـراءة والمـُشاركة ) ..


ولا تـَخرُج مِنه إلا بَـعد ... إنهاء ما عليكَ مِـن عـُقوبة ...,,
وهــذا بــِدوره يخولك
بإدخال أي عضو أو أي مُـشرف أو أي مراقب في السجن ..,,
مع العلم أن بـِاستطاعـَتِك العوده مَرة ثانيه وتكرار وضع أي من الأعضاء مره أخرى ..,,
إذا حالفكَ الحظ وقام أحد بسجنك ..,,


سوف اقوم انا بالبداية ..,,
باختيار مايطرب قلبي سماع بوح قلمة ..
ثم يضع هو أحد الاعضاء في السجن ..,,
ولا يخرج منه حتى يقوم بدفع الكفالة التي عليه وهي ( مشاركه ادبيه )
علماً أن مدة السِجن ستكون " ثلاثـه أيــام " وإذا لم يقم المسجون بدفع الكفاله ..,,
يحق للسجان أن يغير العضوو ..,,,
فلنبدأ
و المسجون الأول ::
المشرف المميز/ ( ع_لاوى)ابغي ابيات علي ذوقك
*ياليت كل من يختار العضو الي بعده يرسله الرابط عشان يتم الرد على الموضوع بالوقت المطلوب منه..


بإنتظار كفالتك.. ولا شفيع لك سوء قلمك ..,,



كونوا بالقرب ..}
......................


http://upload.traidnt.net/upfiles/ZqO97213.gif

تسلمين و بانتظاار علاوي

يعطيك العافية اختي تناهيد فعلا موضوع في غاية الروعة


ولكـ ما طلبتي يالغاليه اختي تناهيد




الجـرح غايـر والسنيـن اتعبتنـي

سايرتهـا رغـم الهمـوم الأليمـه

ابكي حوال الناس لـو مـا بكتنـي

عندي من الأحزان دولـه عظيمـه

هي غربـة الأيـام مـا ساعدتنـي

ما شفت بالدنيـا قلـوبٍ رحيمـه

عشـت الحيـاة وكنهـا عيشتنـي

بين الجحيـم وبيـن نـار الهزيمـه

اقرا عيون النـاس لـو مـا قرتنـي

عيـنٍ تصوبنـي وعيـنٍ كريـمـه

الحال مايـل والظـروف ارهقتنـي

والدمع سيلٍ سال مـن دون غيمـه

الخـد حافـي والليالـي وطتـنـي

وعزي لمن سـود الليالـي تظيمـه

عشـت الحيـاه ودنيتـي عذبتنـي

والله يعيـن اللـي حياتـه سقيمـه

لو جيت ابا اشرح قصتـي عورتنـي

الصمت في بعـض المعانـي غنيمـه

ولولا هموم القلب يـوم احرقتنـي

ما قلت كلمـه والنوايـا سليمـه

يا بوي وين امي عسى مـا جفتنـي

ما شفتها يا بـوي وش هالظليمـه

طلقتها وتقـول لا مـا اعجبتنـي

وش يعجبك يابوي مانـي غشيمـه

راحت وكانت ودهـا لـو شرتنـي

ضاع الحنان مـع النـدم والنديمـه

ذكرتها واليـوم هـي مـا نستنـي

يمـه تعالـي لـك معـزه وقيمـه

يمه تـرى الدنيـا بعدكـم رمتنـي

في بيت ابوي ولا عرفت الحشيمـه

تدريـن يمـه والعيـون اسهرتنـي

ما ذقت طعم النوم ذقـت الحريمـه

النـاس وعيـون العـواذل بلتنـي

ولولا الحيا لسـوي اكبـر جريمـه

يمـه شربـت المـر حتـى سقتنـي

ايـام بقعـاء مرهـا والصريـمـه

لو جيت ابا اضحك بالألم عاقبتنـي

عشت الليالي مثـل عيـش اليتيمـه

سبحت في بحـر الألـم واغرقتنـي

طبع القسـى فيهـا تبينـي وليمـه

رمح الغدر شفتـه وفيـه اطعنتنـي

وزادت جروح القلب واصبح هشيمه

يمه وشوفي كيف بقعـاء احضنتنـي

بدل حنانك ذقـت غـل وحميمـه

واليـوم والله حالـتـي محزنتـنـي

قمت اتذكـر لـي جـروحٍ قديمـه

ذكرى جروحٍ مع شقاهـا غزتنـي

ما عاد به رحمـه ولا فيـه شيمـه

هذا وانا ذكـرى السنيـن اتعبتنـي

جاريتها رغـم الضغـوط الأليمـه

هي غربة الايام ما سعادتني


ماشفت به الدنيا قلوب رحيمة



















ــــــــــــــــــــــــــــــــــــــــــــــــــ ـــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــــــــــــــــــــ

.......... قومي : نامي .
لي متى ! , تقري | كلامي ؟؟



ماتعبتي من " السهر " ؟!
يـ الله
قدامي



وإلا ( لأ )


ما أبي – قدامي !
أبيك { تتغطي } بـ جفني
و / بـ عيوني . . . تنامي


كل شي " فيني " , يهمك
أدري
ودّك ~ كل لحظه ~ آكون : يمّك :
يـ إللي | إسمك |
غير .. عن كل - الأسامي !



تاخذين ( القلب ) منّي ! و تاخذيني !
وإنتِ < فيني >
شلون لو ودّي / ألمك ؟؟



قومي نامي ......... .
إسمعيني ,
مايطوفك " شي " لا نمتي بـ :: عيني




.



.




.




ــــــــــــــــــــــــــــــــــــــــــــــــــ ـــــــــــــــــــ
ــــــــــــــــــــــــــــــــــــــــــــــــــ ـــــــــــــــــــ



بخير عايش و أحمد اللـه ~ طيّب ،
من وقت مازارتني أحلامي السود . .

يرعبني < كابوس > الفراق ، ويهيّب . .
أصحى ألتفت . . وأتمنى ألقاك موجود !

إنت [ المدينه ] في عيون الغريّب . .
ولما أشوفك فرحتي مالها حدود !

ليتك مثل ما < غبت عني > تأيّب ،
لأني وعدت القلب - أيام و تعود .

أخاف راسك من غيابك " يشيّب " . .
تعال لي ، وكلّي لك سهود ومهود .

مو كل [ قريّب ] ياحبيبي .. قريّب :
عندي على ماأقول إثبات وشهود !

منت الحبيب الأوّلي يا { حبيّب } ،
لكن ~ أحس القلب ، مجنون بك زود . .

خيّب ظنون " العاذل " | ولا تخيّب
ظنّي | وأنا اللي فيك بالحيل محسود .

حُبك تعتّق داخلي وصار ( طيّب ) . .
وتلومني إن قلت لك يا [ دهن عود ] !




اتمنى اني وفقت في الاختيار وتعجبك اختياراتي

واختار بعدي

مديرتنا المبدعة الريم اللعوب:83:

تسلم ع الفكره الروعه
وناطرين الريم