منتدى الخليج - أبد لا يزعجك صمتي

أبد لا يزعجك صمتي ...كلامي صمتي المقهور

أنا أللي وأن كثر همي أزيده غيض بسكاتي

أبسكت وهمك بقلبي ..أشيله عنك ومشكور

أنا لاجيت أشيل الهم ..أشيل الهم سكاتي

ترى أن شانت أوضاعي معك يادنيتي معذور

لأني قد فقدت أللي يبيني صدق ويحاتي

أذا ماشفت منك قصور .. أبد مايجيك مني قصور

وإذا قصرت في حقك ترى قصرت مع ذاتي

من أول لاطلبتي شي ..ألبيلك بكل سرور

لأنك قبل لاتطلب.. أنا قد قلتلك هاتي

ألا ليت الزمن يرجع قبل ماينكشف مستور

قبل ماتكرر أعذارك و أحسبك ضمن غلطاتي

تمنيت الزمن يرجع ورا قبل سبع شهور

تشوفي كثر زلاتك و تشوفي كثر أزماتي

تشوفي دمي فبعدك.. كيف كان يفور

تشوفي كثر طيحاتك .. تشوفي قل وقفاتي

تمنيت أنا وضعنا يرجع.. ولا الدنيا علينا تدور

وإذا أنه عيا لا يرجع.. تقبل كل تحياتي

أنا مشكور ومقدر وبقول لهالزمن مجبور

أذا ماتعود مثل أول.. دخيللك تكفى لاتاتي

أذا مالك في الهوى أي دور ... صعب تعيش فيه الدور

وأّذا دور العشق مافاد.. فلا تجرب معاداتي

أنا شاعر وماني شاعر معاكي لو شوي شعور

أذا قررت أشعربك.. شعرت أنك من شتاتي

شعور بك لو أشعر به.. شعور الفاقد مخمور

ماأحس بشي ولا أتذكر غير ضحكاتي

أنا الساحر ومعك بالذات .. كنت الساحر المسحور

قبل ماني أعرفك زين.. وقبل ما تقرا أبياتي