|
زايد مثل القمر صعبه صعبه تصيده (البتار بن زايد)
زايد مثل القمر صعبه صعبه تصيده
(البتار بن زايد) السلام عليكم اقدم لكم قصيدتي والتي قدمتها للوالد الشيخ زايد بن سلطان رحمة الله واتمنى من الجميع المشاركه بهاا الشاعراللــي مايكتب بزايـــد قصيده ماعنده ابـــد ذرة احســاس وشعــور والشاعر اللي ماذكر زايد في جديده هذا مثل مرضـــان مطلبه دوم دكــتور غايتي يالقلب اهديه كل اللــي يريده فداه الروح وادري فــي حقه قصــور زايد من حــلاة اسمه مـاينقصه يزيـده لــولا كمال الله لاقـول كامــل النــور زايد حــلاة اسمه كــل ماتكتبه تعيده سبحان من صـور الزايد كمــا الحـــور زايــد مثل القــمر صعبه صعبه تصـيده الشيخ اللي دربه خضر وسياجه زهور خــذيت العشق منه والايــام السعيده وخذيت كل شي منه وسطرته سطور وتعلمت الوفاء منه بالاوقات الشديده وتعلمت الصـــبر منـــه بشدة الجـــور ياحــارب عيدي انا من يـــوم عـيــده وفرحي غدى بالشيخ قادر ومقدور السموحه كان زليت بحروف القصيده بس حبيت ابين تــراني غصب معــذور من حب زايد يكتب وماوده توقف ايده حتى القلم يزعل يــوم يوقف ولايــدور ابن المملكه بتار بن زايد |
صح لسانك أخوي بتار بن زايد ويسلمو على كتابة هذه الكلمات الجميلة والرائعة ويعطيك ألف عافية والله يرحم الشيخ زايد ويسكنه فسيح جناته |
صح لسانك أخوي بتار بن زايد
الله يعطيك الف عاااافيه |
.
. ஜღ.. البتار بن زايــــــــــد ..ღஜ http://www.khellan.net/up2/uploads/ac906e7194.gif هلا وغلا فيك من حب زايد يكتب وماوده توقف ايده حتى القلم يزعل يــوم يوقف ولايــدور تسلم اناملك على ما خطته من اروع الكلمات اشكرك أخوي على القصيدة يعطيك ألــــــــــــــف عافية دمت شاعراً مبــــــــــــــدعاً بانتظار جديدك القادم لك مني أعذب و ارق التحايــآ العطرة http://www.khellan.net/up2/uploads/ac906e7194.gif ஜღ.. الريم اللعوب ..ღஜ |
صـــــــــــــح لســـــــــــانك يا الشاعر :)
لو بكتب عنه والله ما أوفيله ... رحمه الله عليه .. وطيب الله ثـــــــــــــراه ... وما أقول غير أن الكل اشتاق لأبونا زايد .. الكل .. يباه .. محد نساه ولا بننساه .. والله يابويه زايد .. لو الأرواح انهدت جان هديناك ارواحنا .. يميع حبيناك وبنحبك لين الناس كلها تموت .. وحبك يابويه بالقلب منحوت .. مغروس .. محد يشله .. وكل ثانيه يزيد .. مابننساك بكل امكان ذكراك .. ابكل مكان ندعي لك .. بالصلاه يابويه لو بكتب دساتير ماوصفت ذره من حبك ماوصفت ذره من خيرك ماوصفت ذره من غلاتك واتمنى منكم ما تنسونه بدعواتكم .. اللهـــم.. اغفر للشيخ زايــد و أرحمه و عافه و اعف عنه و أكرم نزله ووسع مدخله و اغسله بالماء و الثلج و البرد و نقه من الذنوب و الخطايا كما ينقي الثوب الأبيض من الدنس ، اللهم جازه بالحسنات إحسانا و بالسيئات عفوا و غفرانا اللهـــم... أنزل على قبره الضياء والنور و الفسحة و السرور اللهــــم .. أبدله داراً خيراً من داره يعجز للسان عن الكلام :( |
صح لسانك
وسلمت يمناك ابدعت في ما سطرته لنا عبر هذا المتصفح الرائع البتار الله يعطيك الف عافية تقبل خالص احترامي |
اقتباس:
|
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
