رحلة راعي الكماروا والعائلة الكريمة الى دبي
 

الســـــــــــــــــــــــلام عليكــــــــــــــــــــم



طبعا قصتنا اليوم عن فضل الام وجحودها لعيالها برضوا حب رجولها عشان ترضى عليك

هههههههههههههه انا جالس الف وادور من اليوم عشان اعلمكم بسالفة الوالدة شلون

جحدتنا بالامارات اسم القصة :_




امي الحنونه شدعوه جحدتينا :_


في يوم من الايام كان وقتها عطله صيفية اهلي طابخين السالفة يبون يروحون الى

دولة الامارات الشقيقة <=== انجز الله يصلحك ولا يكثر === المهم كنت جاي من

عند الشباب من الكورنيش بس كنت راجع بدري شوي على الساعه 2 بالليل الا اهلي

مستقبليني بالصالة ياهلا ومرحبا حيالله من جاء تو ماتبارك البيت اسفرت وانورت واستهلت

وامطرت حي هالزول اللي دخل علينا طبعا انا ( ^ _ ^ ) تشققت حسيت اني أمير وداخل

دائرة حكومية الناس كلها فزت لي المهم <=== خلص قصتك لاتنسجن بس === طبعا

انا مو مصدق ان اهلي يرحبون فيني كذا المهم جلسوني وجابوا لي عصير طازج عشان

ابلع الصدمة شوي وبعدين قال الوالد هاك هذا مفتاح السوبر رح حمل الاغراض ورح جهز

اغراضك بشنطتك عشان تودي اهلك دبي قلت له ياااااااااااااااشيخ وش اللي اوديهم

ودهم انت انا تعبان بروح انام قال بتوديهم ورجولك فوق رقبتك :mad: قمت وانا مطنقر

جهزت ملابسي وحملنا السوبر وبعد صلاة الفجر مسكنا الخط وانا اللي اسوق وخشتي

صافقه القزازة اللي قدام <=== مطنقر === المهم اذا تعديت 120 سوى الصوت طن

طن طن صحت الوالدة من النوم اقولك خفف السرعه واخفف وذا نامت الوالدة احط رجلي

دعسسسسسسس وتصحى الوالدة وتغسل شراعي بكم كلمة وقفلها معاي ضابط

في الحدود البطحا تهاوشت معاه المهم كملنا الطريق الين وصلنا الامارات وبالتحديد

دبي على الساعه 3 العصر تقريبا وجلسنا ندور سكن كله فل فل فل فل فل كل الفنادق

والشقق المفروشه فل فل فل ومرينا على شارع اسمه شارع الرقة كله بنات زي الذبان

الله يعزكم طبعا (( طوط طوط طوط مقطوع من الرقابه )) قالت الوالدة وش هالشارع طلعنا

منه لا يخسف بنا الله وانا اقول يمه اصبري بنحصل سكن قالت هنا مانبي ودنا لو العين

نسكن فيها قلت لها سلامات يمة لايكون تحسبين العين بالحارة اللي ورا ترى بعيدة

المهم طلعنا وورحنا منطقة اسمها بر دبي شقق فندقية اسمها الامبريال للشقق

الفندقة على الساعه 6 المغرب تخيلوا ثلاث ساعات نلف يالله لقينا سكن المهم نزلنا اغراضنا

وريحنا ونزلت انا باخذ لي لفة قلت خذ لك تكسي احسن وقفت قدام السكن ولا هذاك

الكماروا الاحمر كشف اسود ومظلل اسود مر من عندي ورجع ووقف قدامي انا طبعا

شككت قلت من هاللي يبي يخطفني شوي وتنزل هذي البنت الهندية جميلة جدا

كأنها هاللي بالافلام الهندية وتطالع فيني وتبسم وراحت دخلت الشقق المفروشه

وطلعوا معها بنات هنديات نفس المستوى بالجمال وركبوا وراحوا كسروا خاطري الله

يكسر خاطرهم ماخذوني معهم المهم طلعت اتمشى واسأل عن الاماكن الزينه للتمشي

المهم من بكرة رحنا تمشينا في قرية الثلج شي زي كذا وفيها مبنى فيها اشياء علمية

وشاشات باللمس يعني مكان مره حلو الزبدة في دخولنا هالمكان من برا كأنه حديقة

الدخول للشخص 5 درهم دفعنا ودخلنا مع العائلة الكريمة طبعا ابوي ما جاء معنا مازال

بالدمام بيجي بعد كم يوم بالطيارة المهم ماعلينا دخلنا قرية الثلج وصورنا وانبسطنا

جينا ندخل المبنى اللي فيه اشياء علمية باللمس الا المدخل فية كاونتر 4 بنات جالسين

قالوا الدخول بتذاكر 5 درهم للشخص (( طنقرت الوالدة )) قالت تونا دافعين برا قالت

وحده من البنات برا غير والمبنى هذا غير شوي الوالدة تبرت مننا وقالت اصلا هذولا

لاهم عيالي ولا انا اعرفهم يلاحقون فيني من اليوم يبون فلوس دخلت وخلتنا طبعا البنات

تبطحوا من الضحك على اشكالنا وحنا نطالع بعض ونقول عسى ماشر جحدتنا الوالدة

طبعا دخلونا رأفتا بحالنا على الموقف اللي سوته فينا الوالدة ههههههههههههههههههههه

ببلاش المهم لقينا الوالدة واقفه قدام شاشه تضغط وتجيها معلومات عن الدلافين جيت

وحبيت راسها وقلت مشكورة على الجحده يمه قالت هذا اقل واجب اقدمه لكم

ههههههههههههههه المهم قلت لها يمه روحي شوفي لك شاشه حق براقع ديرم

خلاقين ولا حنا خلي الدلافين لاهلها المهم عطتني نظرة استحقار يعني

(( شعندة الفلة اللي فاهم الكفت )) المهم كملنا تمشي وكل يوم تمشي الصباح والعصر

اخر الليل جلسنا اسبوع استمتعنا بالرحله طبعا كلا سهر في سهر عاد يوم رجعنا الى

السعودية بالتحديد مدينة الدمام وبالتحديد عند قصر الخليج طفشت من الحزام وانا لابسه

فكيته الا ابوي هيييييييييييييييييييييي ليش تفصخ الحزام انت ماتددري انه سيفتي

وانه يحمي من الاخطار من الحوادث بعد الله وحنا في ارامكوا وحنا في ارامكوا وحنا في

ارامكوا الين وصلنا البيت وهو تسفيل في تسفيل وصلنا البيت ونزلنا الاغراض قسم

بالله جيت بروح غرفتي الدور الثاني شوي وبصيح من التعب شلون برقى الدرج لو

تشوفون شلون زحفت مثل الضب اللي طاقته الشمس على الدرج لين وصلت الغرفة

شغلت المكيف وطبيت هذيك الطبه على الفراش ونومه ولا احلى كانت خوش رحلة


ان شاء الله ماطولت عليكم بالقصه وان شاء الله نالت على اعجابكم

ههههههههههههههههه ياهلا ومرحبا خالد الهاجري منور بطلتك يالغالي

هههههههههههههههههههههههه يسلموووا على هالطله الحلوه كنز الغلا