منتدى الخليج - سكر زياده وأخبارجريدتي ساده

صباحكم و مسائكم سكر زياده

جريدة الصباح

http://www.forum.ramallah-land.com/imgcache2/27548.gif

~جريــــــــــــــــــــــــــــــدة ~

في كل صباح .. تحمل العالم يديني
أخبار .. مآسي .. حروب
أقرأها في طي الجريدة
قهوتي سكر زيادة ..
والجريدة .. أخبارها سادة

http://www.forum.ramallah-land.com/imgcache2/27549.gif

في الزاوية آخر خبر ..
واحد في الانعاش ..والثاني انتحر ..!
وجنبه اعلان :
الليلة حفلة يحييها فنان !!
وفوقهم مجرم على كتفه حمامة..
قالوا: ذا " صانع سلام "

http://www.forum.ramallah-land.com/imgcache2/27550.gif

بعدها بصفحات ..صورة مدينة
ومباني حـــزينة..
وحشية ودمار ..
ياحلوها الاخبار ..!!
قهوتي سكرها زيادة ..
والجريدة : اخبارها سادة ..

إعلان : ضاعت كلبة فلان .. واللي لقاها له جائزة مليون

إعلان : ملايين البشر من جوعهم يشكون .. !

حادث:في تمــام الساعة الفاجعة من منتصف الويل ..
حادث اغتصاب .. طفلة يعتدي على عرضها شاب ..
والقهر .. ماتعدت من عمرها الاعوام ..
والحكم .. عشرين عام.. وبالتمــام ..
بين قوسين.. "كلها سنتين وياخذ افراج"
حسن سيرة وسلوك ..!

قهوتي سكر زيادة ..
والجريدة .. اخبارها سادة ..

http://www.forum.ramallah-land.com/imgcache2/27551.gif

وبعدها صفحة ملونة ..
وحدة قرعة .. ماتدري ليش ..
كأنها واحد داخل الجيش ..
والثانية شتان .. شعرها واقف طويل ..
تحسب انه مهرجان ..
وفوضة مابعدها فوضة ..
ولما تمعنت وقريت .. عرفت انها الموضة ..

أبراج :.. قلت أنا بقرا الابراج
يمكن ألقى لي خبر .. يطيب الخاطر ويعدل لي المزاج
الحوت :انت مريض وجايز تموت ..
كذبت احساسي .. وقلت في نفسي ..
اكيد انا ناسي ... موهذا برجي ..
اكيد ذا برج العدو .. قلت انا بقرا" الدلو "
قهوتي.. سكر زيادة ..
والجريدة .. اخبارها سادة ..

http://www.forum.ramallah-land.com/imgcache2/27552.gif

...
..
طبقت الجريدة مثل ماكانت .. وقعدت ادور ..
وين الذي باعها وين ؟!
ولما لقيته ..

. رجعة الجريدة

ممــآراق لي