منتدى الخليج - صد وتغلى واحرق اعصاب مغليك

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - صد وتغلى واحرق اعصاب مغليك (https://kleej.com/vb/showthread.php?t=121334)

صد وتغلى واحرق اعصاب مغليك

صد وتغلى واحرق اعصاب مغليك
وش قيمـة الغالــي اذا ماتــغــــلا
.
.
ابعد وطنشني واذا قلت وش فيـــك
قول الهوى لعبه وحـنا انتســــلا
.
.
ابيك بارد دم تقهر محـــــاكيك
وانا ابتظاهر بالصبـــر واتحـلا
.
.
وان جيت يمك مد عني خــطاويك
من شيمة المقفي خطاويــه عجــلا
.
.
لا تلتفت لـــي لو اصوت واناديك
وان طاحت الدمعه ترا العين خجلا
.
.
واذا التقينا صدفه وقمت اراعيك
راع بطرف عينك وصد وتعـــلا
.
.
وان قلت لك تكفى ذبحني تجافيك
والقلب ياقلـــبي مــن الصــد ملا
.
.
قل بدري وطبطب عليه بياديـــك
وتل الخفـــوق بسهم الاعيان تــلا
.
.
نذرن علي لابيع هالكون واشريك
يااحلا من السكر يابو عيون نجـلا
.
.
وابوس رأسك ثم اقبل خطاويـــك
واستسمحـك لو جاتنــــي مــنك زلا
.
.
ولك العهد لو تحرق اعصاب مغليك
يزود ماينقـــص غلا من تغـــلا