منتدى الخليج - هلا باللي أحبه كثر تعذيبه

منتدى الخليج (https://kleej.com/vb/index.php)

- - هلا باللي أحبه كثر تعذيبه (https://kleej.com/vb/showthread.php?t=110303)

هلا باللي أحبه كثر تعذيبه

مساء الخير و الإحساس و الطيبة

مساءٍ ما يليق إلا بأحبابي

مساءٍ غير غصن الطير يحكي به

عن اللي مسكنه جفني وأهدابي

هلا باللي أحبه كثر تعذيبه

و كثر ما هو يغيب و كثر ترحابي

حبيبي هو ولو ما قصّر الغيبة

و لو عن بسمتي قد طوّل غيابي

أعرفه زين و أعيتني أساليبه

عدوّي يوم و يوم أقرب من أصحابي

ملكني بين ترغيبه و ترهيبه

يفارقني و هو واقف على بابي

به الصادق به الغارق بأكاذيبه

يبي بعدي و دمعه بلّل ثيابي

به القسوة به الرقّة به الهيبة

به الضعف القوي به نشوة إغضابي

هلا باللي يصيب العطر بالريبة

يقول العطر أنا زايل و يبقى بي

هلا باللي يقول الورد وش لي به؟

من المهدى؟ أنا أو هو لأطيابي

هلا باللي عليّ يقسى و أماري به

هلا باللي أبد ما لان لعتابي

هلا باللي عجزت ألقى عذاريبه

هلا باللي تحبه كل أسبابي

مساءٍ فاق كل الشعر ترحيبه

بجيّة من سكن قلبي و أهدابي

مساءٍ فاض بالإحساس و الطيبه

مساءٍ ما يليق إلا بأحبابي