منتدى الخليج - وين انت ياللي .. تذبح القلب بالشوق

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - وين انت ياللي .. تذبح القلب بالشوق (https://kleej.com/vb/showthread.php?t=109001)

وين انت ياللي .. تذبح القلب بالشوق

http://media.tumblr.com/e685e1c8cef5...ZCp1rr6esy.jpg
وين انت ياللي .. تذبح القلب بالشوق
ـــــــــ العقل من بعد ( اللقاء ) منك ما فاق

ليتك تحس بواقعي بس .. وتذوق
ــــــــــ من كاسك اللي منه ( نشفن ) الارياق

دنياي من دونك ترى مالها ( ذوق )
ـــــــــ خليتني عايش على ( حد ) الارهاق

إليا متى .. ببقى اطالبك بحقوق
ــــــــــ متشوف كل الكون .. في غيبتك ضاق

وراك كني تايه الدرب .. ملحوق
ــــــــــ خايف تكون .. إنهاية الحب لفراق !!

يكفي عذاب اللي ( غدا ) منك محروق
ــــــــــ غيرك وربي بالبشر ما بعد .. لاق
جيتك جروح .. وباقي .. الحال مسروق
ــــــــــ من سِـبّـتك ضاقت بي ( افجوج ) وآفاق

انا دخيلك .. تفهم الوضع برفوق
ــــــــــ ما عاد صبري لو تصورت .. ينطاق !!

تعال بعدك حالتي كلها .. عوق
ــــــــــ عقبك ودربي بالهوى صار .. منعاق

تدري مكانك ( غايتي ) دايما فوق
ـــــــــ فيك انولد ( حلمي ) وكبرن الاشواق

تاخذني ايامك .. لها حيل واتوق
ـــــــــ دامك هناي .. ورغبتي .. ليه مشتاق

لو تطلب اسنين العمر .. جاتلك سوق
ــــــــــ والروح لجلك دايم الدوم .. تنساق

في عيني اكبر .. من ( غلا ) كل معشوق
ــــــــــ مثلي لحبك ماعتقد ( مر ) عشاق

متى تجيني .. تطلب القرب وتروق
ــــــــــ ونهيم ساعة كلها ( ضم _ وعناق )

والله ما ياصل غلاك اي ( مخلوق )
ــــــــــ وحدك سكنت بداخلي ( وسط الاعماق )
http://www.alainmoon.net/smilies/qqqqujty.gif