منتدى الخليج - حاولت أكابر وابعدك عن خيالي

http://www.q8boy.com/images/hlidl9boib02ttgt4kx.gif
http://www.hyatuha.com/vb/images/smi...atuha/(16).gif

حاولت أكابر وأبعدك عن خيالـي
وأبعد بعيد هناك وأطوي المسافات

ظنيت بُعـدك يهتنـي فيـه بالـي
ويرتاح فكري بعد ذيـك المعانـات

ماكنت أحسب إنك بالحيـل غالـي
لين إنكوى قلبي وبانـت علامـات

بانت علامات الغلا وسـل حالـي
هذا وأنـا مابعـدت إلا سويعـات

وشلون لوكانت ليـال(ن) طوالـي
ماهقوتي تسمع بهالقلـب دقـات

حملت نفسي فوق قـدر احتمالـي
اجر ونـه واتبعـه عشـر ونـات

أنا اشتكي للناس شي(ن) جرالـي
والا اكتم جروح(ن) بقلبي قديمات؟

يسقيني الامـرار واسقيـه حالـي
شتان ما بين ارضها والسمـوات

أثر الهوى ياخوك ما بـه عدالـي
احسب جمايلها وتحسب لـي زلات

قلت انتظر تجيني تطلب وصالـي
بان القمر والليل أظلـم وماجـات

يمرنـي زول(ن) احسبـه عنالـي
هيهات ياجفن(ن) جفا النوم هيهات

لافادني صـدي ولا لـه مجالـي
ومانالني من هالغلا كود حسـرات

مازادهـا ابتـعـادي الا تعـآآآلـي
وما زارها طيفي ولا مر لحظـات

واليوم صار {الهم والغـم } فالـي
اربع حروف(ن) سقتها بين كلمات

عزي لحظ(ن) يوم اعدلـه مالـي
ويقطعك دنيا كل ما فيـك عبـرات

....

http://www.hyatuha.com/vb/images/smi...atuha/(16).gif
http://www.q8boy.com/images/kfxurbcotrok0bw7fu60.gif